Albert Borlase Armitage

Vun Wikipedia
Albert Armitage (darte vun links) an Bord vun de Discovery (ca. 1901)

Albert Borlase Armitage (* 2. Juli 1864 in Balquhidder, Perthshire; † 31. Oktober 1943) weer en schottisch Polarforscher.

De Captain vun de Royal Navy nehm van 1894 bit 1897 an de Jackson-Harmsworth-Expeditschoon in de Arktis deel, de mehr per Tofall Nansen un sien Gefährten Johansen funn. Eegentlich sullen se blots herutfinnen, of Franz-Joseph-Land to de Arktis hörrn dee, oder nich.

As Tweet Kommandant un Navigator nehm he denn an de Discovery-Expeditschoon in de Antarktis ünner Robert Falcon Scott van 1901 bit 1904 deel. Scott sien stoisch Fasthollen an militärisch präägt Umgangsförmen harr to Spannungen tüschen de zivilen un de vun de Royal Navy afstellt Expeditschoonsdeelnehmern führt, so dat an’ Enn vun de eerste Saison sünners tallriek Liddmaaten vun de Hannelsmarine de Expeditschoon verleeten. Scott harr ok sien Stellvertreder Albert Armitage anbooden, in’ März 1903 nah Huus trüggtokehren. Armitage hett dat as bewusste Provokatschoon upfaat un hett dat Angebot aflehnt.[1]

Dat besteiht de Gefohr, dat man Albert Armitage mit den austraalschen Polarforscher Bertram Armytage verwesselt, de ünner Ernest Shackleton an de sien Nimrod-Expeditschoon deelnommen hett.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Preston: A First Rate Tragedy, 1997, S. 67–68.