Albert Behrens

Albert Behrens (* 7. Oktober 1891 in Hannover; † 6. April 1976 in Wennigsen) weer en düütschen Politiker von de SPD.

Behrens is 1891 as Söhn von en Bäcker in Hannover boren. Na de Volksschool in Hannover hett he en Lehr as Metallarbeider maakt. He is in de SPD rin, weer Anfang de Johren 1930 Vörsitter von’n SPD-Bezirk Hannover un von 1932 bet 1933 Gauleiter von’n Hannöverschen Rieksbanner Swart-Rood-Gold. Tosätzlich weer he nichstännig Maat von dat Rieksversekerungsamt.

Bi de Wahl in’n Mai 1928 is he in’n Wahlkreis 16 Süüdhannover (Hannover-Hilmssen) as Afornten in’n Prüüßschen Landdag wählt worrn. Ok bi de Wahlen 1932 un 1933 is he wedder wählt worrn.He is bet Juni 1933 Afornten bleven, as de NSDAP de SPD-Afornten ut dat Parlament utslaten hett.

In de Tied von’n Natschonalsozialismus keem Behrens 1933 för korte Tied in „Schutzhaft“. Nadem he wedder freekamen weer, hett de Gestapo em överwaakt. In’n August 1944 is he bi de „Aktion Gitter“ wedder in Haft kamen, toeerst in dat Gestapo-Gefängnis Ahlem un denn in dat KZ Neengamm.

1965 is he von Hannover na Wennigsen ümtagen un dor 1976 doodbleven.

Literatur

• Beatrix Herlemann: Biographisches Lexikon niedersächsischer Parlamentarier 1919–1945. (= Veröffentlichungen der Historischen Kommission für Niedersachsen und Bremen. 222). Hahnsche Buchhandlung, Hannover 2004, ISBN 3-7752-6022-6, S. 38
• Ernst Kienast (Hrsg.): Handbuch für den Preußischen Landtag. Ausgabe für die 5. Wahlperiode. R. v. Decker’s Verlag (G. Schenck), Berlin 1933, S. 307