Al Kasha

Vun Wikipedia

Al Kasha (* 22. Januar 1937 in New York City) is en US-amerikaansche Komponist un Ledermaker.

Kasha füng in’t Öller vun 17 Johren an, Leder to schrieven. Vun em sünd to’n Bispeel to Leder My Empty Arms, I’m Comin’ Back to You oder Forever and a Day vun de R’n’B-Legenn Jackie Wilson. !960 kreeg he en Verdrag bi Columbia Records, för de he Musik för verschedene Feernsehregen komponeert hett. In de nafolgen Johren hett Kasha mit Lüüd as Clive Davis, Eydie Gorme, Neil Diamond, Rodney Dangerfield un Aretha Franklin tosamenarbeit.

In’t Johr 1971 hett sik Kasha mit Joel Hirschhorn tosamendoon. Se weern beide tosamen veermol för’n Oscar vörslahn, veermol ok för’n Golden Globe un tweemol för den Tony Award. Mit twee Leder hebbt se den Oscar winnen künnen: eenmol 1973 mit The Morning After ut den Film The Poseidon Adventure, dat vun Maureen McGovern sungen weer, un 1975 för May Never Love Like This Again, dat Titelleed ut The Towering Inferno, dat ok wedder vun Maureen McGovern sungen weer.

Kasha un Hirschhorn hebbt tosamen 93 Millionen Toondrägers verköfft un dree Böker schreven. As se Mitt vun de 1980er Johren wedder enkelte Wegen gahn sünd, hett Kasha de Las Vegas Revue Let the Good Times Roll komponeert un produzeert. Vun 1995 bit 1998 weer he de Präsident vun de Family Channel’s music division. To de Tiet hett he sien egen Produkschoonsfirma, de Kasha Entertainment Company grünnt, bi de he ünner annern mit David Foster tosamenarbeit.

Filmmusiken (Utwahl)[ännern | Bornkood ännern]

Johr Originaltitel dt. Titel
1963 Gidget Goes to Rome April entdeckt Rom
1970 The Grasshopper Jung, hübsch und hemmungslos
1970 The Cheyenne Social Club Geschossen wird ab Mitternacht
1972 The Poseidon Adventure Die Höllenfahrt der Poseidon
1974 The Towering Inferno Flammendes Inferno
1976 Freaky Friday Ein ganz verrückter Freitag
1977 Pete’s Dragon Elliot, das Schmunzelmonster
1978 Hot Lead and Cold Feet Heiße Schüsse, kalte Füße
1981 Take This Job and Shove It Ein Senkrechtstarter kratzt die Kurve
1989 Dangerous Curves Scharfe Kurven
1989 Jake Spanner, Private Eye Aufs Kreuz gelegt
1989 All Dogs Go to Heaven Charlie – Alle Hunde kommen in den Himmel
1997 The Ice Storm Der Eissturm
1998 Rudolph the Red-Nosed Reindeer: The Movie Rudolph mit der roten Nase

Utteken[ännern | Bornkood ännern]

Al Kasha is för sien Filmmusik achtmol för Priesen vörslahn worrn. Tweemol hett he tosamen mit Joel Hirschhorn den Oscar in de Kategorie Best Leed wunnen:

  • 1973 mit dat Leed The Morning After (sungen vun Mauree McGovern) ut The Poseidon Adventure
  • 1975 mit dat Leed May Never Love Like This Again (sungen vun Mauree McGovern) ut The Towering Inferno

Websteden[ännern | Bornkood ännern]