Ahoi Cuxhoben

Luftbild von 2011 von dat Swemmbad

Dat Ahoi Cuxhoben is en Swemmbad in de Stadt Cuxhoben. Dat liggt in Duhnen an’n Wehrbargsweg un ganz dicht bi de Noordsee.

Dat Swemmbad is 1972 boot worrn. Dat harr toeerst elk Johr so bi 300.000 Besökers, wat aver mit de Tied op 170.000 dalgahn is. Dorüm hebbt se dat Swemmbad 1999 dichtmaakt un dat kumplett ümboot. Dat ne’e Bad is 1999/2000 ümboot un in’n September 2000 inwieht worrn. Dor hett dat denn ok den hüdigen Naam „ahoi!“ kregen. Dat hett 15,3 Millionen Euro köst un is 5.300 m² groot. Bedrieven deit dat de Bädersellschop Cuxhoben GmbH.

Dat Bad hett en Wellenbecken, en 65 Meter lange Waterrutsch, en Ströömkanaal, en Butenbecken, söss Saunas un en Dampbad. De Beckens sünd all mit Seewater. Dat gifft ok Wellness- un Kur-Anwennungen mit Seewater un Slick.

Weblenken

• Websteed von dat Swemmbad (hoochdüütsch)