Adrienne Barbeau

Adrienne Barbeau (2008)

Adrienne Barbeau (* 11. Juni 1945 in Sacramento, Kalifornien, USA) is en US-amerikaansche Schauspelersche.

Leven un Wark

In de Tiet as Barbeau op de Highschool un op dat College gahn is, hett se Dans- un Singünnerricht nahmen. Mitt vun de 1960er Johren güng se as Liddmaat mit dat San-Jose-Light-Opera-Ensemble op Tour över de pazifischen Stüttpunkten vunt US-Militär. Enn vun’t Johrteihnt hett se verschedene Jobs in New York City hatt, ünner annern as Gogo-Dansersche un as Kortenverköpersche in Nachtclubs.

In’t Johr 1968 speel se in Anatevka un weer af 1972 in de Rull Betty Rizzo in dat Musical Grease to sehn. För ehr Speel weer se 1972 för den Tony Award as Beste Nevendorstellersche in en Musical nomineert. Dör ehrn Spood an’n Broadway hett Norman Lear vun ehr höört. He hett ehr en Rull in de Feernsehreeg Maude anboden. Ofschoonst dat egentlich schaad weer üm ehr schauspelerisch Talent, hett se disse Rull bit to’n Enn vun de Sitcom in’t Johr 1978 speelt.

Se hett 1979 den Speelbaas John Carpenter heiraat, un weer in eenige vun sien Filmen mit dorbi, as to’n Bispeel The Fog (1980) oder Escape from New York (1981). En wieteren bekannten Film weer Wes Craven sien Swamp Thing ut dat Johr 1982. Alltohopen hett se in mehr as hunnert Produkschonen mitspeelt. De Eh mit Carpenter weer 1984 wedder scheedt, man Barbeau hett 1992 ehrn tweeten Ehmann Billy Van Zandt heiraat.

Filmografie

Johr	Titel	Synchroonsnacker
1976	The Great Houdini, Feernsehn
1976	Having Babies, Feernsehn
1972-78	Maude, Feernsehreeg
1978	Crash dt.: Flug 401
1978	Someone’s Watching Me! dt.: Das unsichtbare Auge	Astrid Kollex
1980	John Carpenter’s The Fog dt.: The Fog – Nebel des Grauens	Almut Eggert
1981	Escape From New York dt.: Die Klapperschlange	Evelyn Gressmann
1982	Swamp Thing dt.: Das Ding aus dem Sumpf	Astrid Kollex
1982	Creepshow dt.: Creepshow – Die unheimlich verrückte Geisterstunde	Evelyn Gressmann
1984	The Next One
1987	Open House dt.: Open House – Trautes Heim kann tödlich sein
1991	Blood River, Feernsehn dt.: Blutiger Fluß
1993	Father Hood dt.: Der Kidnapper
1994	Silk Degrees dt.: Zeugin im Fadenkreuz
1998	A Champion’s Fight, Feernsehn
1999	A Wake in Providence
2000	Convent dt.: Convent – Biss in alle Ewigkeit
2000	Across the Line
2000-02	Gotham Girls, Feernsehreeg
2004	Ghost Rock
2003-05	Carnivàle, Feernsehreeg	Joseline Gassen
2007	Unholy
2008	Reach for Me
2009	War Wolves, Feernsehn	Monika Müller-Heusch
2010-11	General Hospital, Feernsehreeg
2012	Argo	Marianne Groß
2015	Jimmy’s Jungle
2016	ISRA 88
2017	Gates of Darkness

Utteken

Barbeau hett bit hüüt keen Filmpriesen winnen künnt, man se weer tweemol nomineert:

• 1977: för den Golden Globe in de Kategorie Best Nevendorstellersche – Feernsehn för Maude
• 2004: för den Golden Satellite Award in de Kategorie Best Nevendorstellersche in en Feernsehreeg – Drama för Carnivàle

Weblenken

• Adrienne Barbeau in de Internet Movie Database (engelsch)