Adri van Tiggelen

Adrianus Andreas van Tiggelen, ok Adri van Tiggelen, (* 16. Juni 1957 in Oud-Beijerland) is en ehmalger nedderlannsch Footballspeler un hüüdig -Footballtrainer.

Loopbahn

He hett 56 Lännerspelen in de Johren van 1983 bit 1992 för de nedderlannsch Footballnatschonalmannschap maakt un wurr 1988 Europameester. Sien Statschonen as Speler weern Sparta Rotterdam, FC Groningen, FC Dordrecht, RSC Anderlecht un PSV Eindhoven. 1995 hett he sien aktiv Loopbahn afslooten. Siet 2005 traineert he de Jöögd vun Sparta Rotterdam.

De 1,83 m groot van Tiggelen weer vun Huus ut Binnenverteediger, vör allem Libero. In de nedderlannsch Natschonalmannschap wurr he man meest up de linke Butenverteedigerpositschoon insett, wiels binnen Ronald Koeman un Frank Rijkaard spelen deen.

Weblenken

van Tiggelen in de Datenbank vun Weltfußball.de
Adri van Tiggelen in de Datenbank vun National-Football-Teams.com (engelsch)