Adolf von Selchow
Adolf Albrecht Hugo von Selchow (* 4. Dezember 1810 in Rettkewitz; † 9. Juni 1878 in Bad Ems) weer en düütschen Verwaltungsbeamten.
Von Selchow is 1810 as Söhn von Friederike Ludowika Amalie, borene Kummer (31. Januar 1783–31. Mai 1864), un Friedrich Wilhelm von Selchow (24. Juni 1769–5. Mai 1845) in Rettkewitz boren.[1] Sien Broder weer Werner von Selchow. He weer Regerungsassesser bi de Regerung in Danzig un is 1844 an de Regerung in Liegnitz versett worrn.[2] Dor is he denn Regerungsraad worrn.
He hett 1849 vertredungswies dat Amt as Landraad von’n Landkreis Glogau övernahmen un is 1850 denn richtigen Landraad worrn.[3] 1866 is he Zivilkommissar för den Westdeel von Öösterrieksch-Slesien worrn.[3]
He weer von 1867 bet 1869 kommissarschen Landdrost von de Landdrostie Lümborg.[3] Na de Tied in Lümborg is he Oberregerungsraad bi de Regerung in Frankfort/Oder ween.[3]
Von Selchow weer 1852 bet 1855 un 1866/1867 Maat von dat Prüüßsche Aforntenhuus.[3]
He is 1867 Ehrenridder von’n Johanniter-Orden worrn.[4]
He hett an’n 7. Oktober 1845 in Danzig Meta Steffens (* 16. Juli 1825) freet.[1] De beiden harrn de Dochter Rosalie (* 2. Dezember 1846).[1]