Adolf des Coudres

Vun Wikipedia
Bi St. Maergen

Adolf des Coudres (* 2. Juni 1862 in Karlsruhe; † 21. September 1924 in Fürstenfeldbruck) weer en düütsch Landschapsmaler.

Leven[ännern | Bornkood ännern]

Adolf des Coudres weer de Söhn vun den Historienmaler Ludwig des Coudres.

Mit 19 Johren keem Adolf des Coudres 1881 an de Kunstakademie vun sien Heimatstadt un wurr dor Schöler vun Gustav Schönleber. 1890 hett he de Akademie verlaaten un leet sück as freeschaffen Maler in Karlsruhe daal. Völ Johren lang hett Adolf des Coudres de Sömmermaanden över in Fürstenfeldbruck verbrocht. 1910 truck he vun München, wo he eenig Johr leevt harr, in de Gemeend Emmering in' Landkreis Fürstenfeldbruck un hett sück dor an de Emmeringer Straat 55 en moie Villa mit Ateliers för sück un sien Süster Luise baut. In' Juli 1914 hett sück Adolf des Coudres an de eerst Fürstenfeldbrucker Kunstutstellung bedeeligt. Eenig Johr later truck he mit sien Malerkollegin Selma Plawneck, de he in' November 1921 heiraadt hett, nah Fürstenfeldbruck in en Wahnung in de Schöngeisinger Straat 6. Adolf des Coudres is an' 21. September 1924 in Fürstenfeldbruck storven. He un sien Fru Selma, de in' März 1956 storven is, hebbt hör Graff up den olden Emmeringer Karkhoff.

Warken (Utwahl)[ännern | Bornkood ännern]

  • Am Weiher
  • Aus dem Garten
  • Auf der Höhe
  • Ein grauer Tag
  • Vorfrühling
  • Durchs Moor

Literatur[ännern | Bornkood ännern]

  • Josef A. Beringer: Badische Malerei 1750-1920. Müller, Karlsruhe 1979, ISBN 3-7880-9623-3 (Repr. d. Ausg. Karlsruhe 1922)
  • Walter G. Well: "Maler im Fürstenfeldbrucker Land". Hirmer Verlag München 1988, ISBN 3-7774-4970-9

Weblenken[ännern | Bornkood ännern]