Adolf Freiherr von Wangenheim

Vun Wikipedia
Kandidatenplakat to de Landdagswahl in Neddersassen 1982

Adolf Freiherr von Wangenheim (* 8. Februar 1927 in Waake; † 18. September 2020[1] in Chöttingen) weer en düütsch Politiker (CDU). He weer van 1975 bit 1994 Afordneter vun den Landdag in Neddersassen.

Von Wangenheim hett de School in Waake un in Göttingen besöcht. An' 21. Februar 1942 stell he, dormals 15 Johr olt, en Upnahmandrag, mit de he to'n 20. April 1944 NSDAP-Liddmaat mit de Liddmaatsnummer 10041589 wurr.[2]

Af 1943 wurr he as Luftwappenhelper insett. Buterdem weer he in' Rieksarbeitsdeenst un bit to sien Entlaaten ut de bitisch Kriegsfangenschap bi de Wehrmacht. 1945 fung he en Utbillen in de Land- un Forstwertschap an un sloot dat 1949 as Landwertschapshülp af. Dornah hett he de Höhgere Landbauschool in Witzenhausen besöcht, de he as staatlich prüüft Buer afslooten hett. Siet 1950 hett he den Land- un Forstwertschapsbedriev in Waake führt, den he 1947 vun sien Vader aarvt harr. Buterdem weer he Vörsitter vun mehreren Ünnernehmen.

Siet 1955 weer von Wangenheim Liddmaat vun den Raat vun de Gemeend Waake. Van 1973 bit 1976 weer he Ratsherr vun de Samtgemeend Radolfshausen. Van 16. Juni 1975 bit to'b 20. Juni 1994 weer he Liddmaat vun den Landdag Neddersassen in de sien 8. bit 12. Wahlperiood. Van 1986 bit 1990 weer he Vörsitter vun den Ünnerutschuss „Prüfung der Haushaltsrechnungen“ vun den Utschuss för Huusholt un Finanzen un van 1990 bit 1994 weer he Vörsitter vun den Utschuss för Huusholt un Finanzen.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994: Biographisches Handbuch, 1996, S.394.

Enkeld Nahwiesen[ännern | Bornkood ännern]

  1. Langjähriger Göttinger Landtagsabgeordneter: Adolf von Wangenheim gestorben. In: Göttinger Tageblatt. 28. September 2020
  2. Hans-Peter Klausch: Braune Wurzeln - Alte Nazis in den niedersächsischen Landtagsfraktionen von CDU, FDP und DP (PDF; 1,8 MB), 2008.