Adolf Bannier
Adolf Bannier (* 3. Mai 1937 in Bronswiek) is en düütsch Politiker (FDP). He weer Liddmaat vun den Landdag vun Neddersassen.
Leven[ännern | Bornkood ännern]
Bannier warrd 1937 boren in Bronswiek in Neddersassen. He hett toeerst de Volksschool in Brome besöcht un later na de Realschool in Wittingen wesselt. Nah sien Afsluss fung he en Lehre to'n Mauer an, de he ok spoodriek afslooten hett. Dornah hett in Hamborg en Studium to’n Ingenieur anfungen. Bannier fung nah dat Studium sien Tätigkeit as sülvstännigen Bauünnernehmer in Brome un hett 1972 un 1985 Eenzelhannelsgeschäfte apen maakt.
Politik[ännern | Bornkood ännern]
Bannier fung sien politisch Karriere 1964 as Gemeenraadsafordneter vun Brome an. 1974 wurr he Liddmaat bi de FDP un in den Kreisdag vun den Landkreis Gifhorn. Van 1976 bet 2006 weer Bannier Börgermeester vun Brome. He weer vun 1986 bet 1990 FDP-Frakschoonsvörsitter. För de twölf Wahlperiood vun'n eersten Januar 1991 bet to'n 20. Juni 1994 wurr he to'n Liddmaat vun den Landdag vun Neddersassen wählt.