Achtarm-Dintenfische

Achtarm-Dintenfische(n); Achtarm-Enktfisken
Vampyroteuthis infernalis, teekent vun Carl Chun 1910
Systematik
Ünnerriek: Veelzellers (Metazoa) Afdeel: Geweevdeerter (Eumetazoa) Ünnerafdeel: Bilateria Böverstamm: Lophotrochozoen (Lophotrochozoa) Stamm: Weekdeerter (Mollusca) Klass: Koppfööt (Cephalopoda) Ünnerklass: Dintenfische (Coleoidea) Böverornen: Achtarm-Dintenfische (Octopodiformes)
Wetenschoplich Naam
Octopodiformes; Vampyropoda
Boletzky, 1992

To de Grupp vun de Achtarm-Dintenfische oder Achtarm-Enktfisken (Octopodiformes oder Vampyropoda) weert de Kraken (Octopoda), de Cirruskraken (Cirroctopoda) un de Vampirdintenfische (Vampyromorpha) torekent. Se all hefft acht Arms, gegen u. a. de Echten Dintenfische over, de all tein Arms hefft. De Vampirdintenfische hefft twuschen de beiden eersten Armpaare (vun'n Kopp her tellt) noch en Paar Fadens, de torüchtrocken weern könnt un de as Sinnorgan bruukt weert. Wenn sik de Achtarm-Dintenfische in dat Ei entwickelt, kann een sehn, datt se an un for sik vun de Teinarm-Dintenfische afstammt. Dat is ok an de Vampirdintenfische mit ehre twee tosätzlichen Fadens to sehn. Kloor is, datt Vertreders vun düsse Grupp al in dat Rhaetium un in de Bövertrias leevt hefft. Dat wiest Fundstücke. In'e Klatten hefft sik de Forschers man dorover, ob dat al in dat Karbon Achtarm-Dintenfische geven hett.

Systematik

De Systematik faat veer Unnergruppen tosamen. De spleet sik wedder up in en Reeg vun Familien un en poor hunnert Aarden un Unneraarden.

• Cirruskraken (Cirrina)
  • Opisthoteuthidae
  • Cirroteuthidae
  • Stauroteuthidae
• Kraken (Octopoda)
  • Amphitretidae
  • Argonautoidea
  • Bolitaenidae
  • Echte Kraken (Octopodidae)
• Trachyteuthididae †
  • Trachyteuthis †
• Vampirdintenfische (Vampyromorpha)
  • Kelaenina †
  • Prototeuthina †
  • Mesoteuthina †
  • Vampyromorphina

Literatur

• Thomas Berthold und Theo Engeser: Phylogenetic analysis and systematization of the Cephalopoda (Mollusca). Verhandlungen des naturwissenschaftlichen Vereins Hamburg, N. F., 29: 187-220, Hamburg 1987 ISSN 0173-749X.
• David B. Carlini, Richard E. Young und Michael Vecchione: A molecular phylogeny of the Octopoda (Mollusca: Cephalopoda) evaluated in light of morphological evidence. Molecular Phylogenetics and Evolution, 21(3): 388-397, San Diego 2001 ISSN 1055-7903
• Richard E. Young und Michael Vecchione: Evolution of the gills in the Octopodiformes. Bulletin of Marine Science, 71(2): 1003-1017, Coral Gables, Florida 2002 ISSN 0007-4977