Abraham van Riebeeck
._Gouverneur-generaal_van_Nederlands_Oost_Indi%C3%AB_(1709-13)_Rijksmuseum_SK-A-811.jpeg)
Abraham van Riebeeck (* 18. Oktober 1653 in de Kapkolonie, vondaag Süüdafrika; † 17. November 1713) weer von 1709 bet to sien Dood 1713 Generalguvernör von Nedderlandsch-Indien. He weer ok Opdecker, de en poor lüttjere un gröttere Reisen na de oostindischen Eilannen daan hett.
Van Riebeeck is 1653 in de Kapkolonie as Söhn von Maria, borene de la Queillerie (28. Oktober 1629–2. November 1664), un Jan van Riebeeck (21. April 1619–18. Januar 1677) boren. Sien Vader weer Kummandant von de Kapkolonie.
Nadem he 1676 sien Studium afslaten harr, is he as Koopmann in de nedderlandsche Oostindien-Kumpanie intreden. 1709 hett he dat Amt as Generalguvernör von Joan van Hoorn övernahmen. Na sien Dood weer 1713 Christoffel van Swoll sien Nafolger.
Van Riebeeck hett 1678 Elisabeth van Oosten freet. De beiden harrn söss Kinner, ünner annern Johanna Maria van Riebeeck (1679–1759), de Abraham van Riebeeck sien Vörgänger as Generalguvernör, Joan van Hoorn, freet hett.[1]