Joseph Jean Pierre Laurent

Joseph Jean Pierre Laurent († 1900, en Tiet lang ok A. Laurent, as sien Naam vergeten weer) weer en franzöösch Astronom, de in dat Johr 1858 den Asteroiden Nemausa opdeckt hett. Mehr Asteroiden hett he nich opdeckt, ok weet man vun hüm meest nichts. De Astronom Édouard Stephan hett hüm as en „bannig fixen Kerl“ beschreven.

Nemausa wurr an een Privatsteernwacht in Nîmes opdeckt, de to en Huus hörrn de, wat toför vun Benjamin Valz bewahnt weer. Valz wurr Direkter vun de Steernwacht Observatorium vun Marseille un hett Laurent sien Huus anvertroot. Dat Huus an de Rue Nationale Nr. 32 drocht hüüd en Plakett, de an dat Opdecken erinnert, man Valz as Opdecker betekend.

För sien Opdecken wurr Laurent 1858 mit de Prix d’Astronomie- Medaille vun de Lalande-Stiftung uttekent.

Hüm to Ehren wurr de in dat Johr 1876 opdeckt Asteroid (162) Laurentia nömmt.