3 Doors Down
3 Doors Down is en US-amerikaansch Rockband ut Escatawpa in den US-Bundsstaat Mississippi. De Bandnaam sett sück ut de Tall 3 för de Antall vun de Bandliddmaaten bi de Naamfinnen un Doors Down – en Schrifttoog över en Club, in de se speelt hemm, tosommen.
Bandhistorie[ännern | Bornkood ännern]
De Band wurr 1996 vun Singer Brad Arnold, Gitarrist Matt Roberts un Bassist Todd Harrell tonächst as Trio grünnd. Een Johr later nehm de Grupp as Quintett hör eerst Demoalbum up, dat de schlichten Naam 3 Doors Down droog. 1999 entstunn in New York City mit The Better Life dat offizielle Debütalbum vun de Band, dat in‘ Fröhjohr 2000 herutbrocht wurr un mit mit Kryptonite den Hit enthull, mit de 3 Doors Down de Dörbröök gelung. Dit Leed weer de eerste Debütsong, de in veer Spartencharts Nummer 1 weer, in den offiziellen Hot 100 vun de USA keem he up Platz 3. De Folgesingle Loser hett an den Spood anknütt un bleev 21 Week up Nummer 1 vun de amerikaansch Mainstream Rock Charts. So lang kunn sück kien anner Leed an de Tipp vun de Charts behaupten. Beid Singles kunnen sück ok in Düütschland platzeeren. De dart Single Be Like That weer Bestanddeel vun den Soundtracks to den Kinofilm American Pie 2, up dat dat Leed in en licht ännert Faaten as The American Pie 2 Edit in dat Johr 2001 herut keem. As letzt Single vun dat Album keem Duck and Run herut, dat ok to en Nummer 1 in de Mainstream Rock Charts wure. Dormit harr de Band dree vun de veer Singles vun dat eerst Album up Platz 1 vun de Mainstream Rock Charts brocht. Nah disse Erfolge kreegen 3 Doors Down Pries as den Billboard Music Award in dree Kategorien. Brad Arnold wurr todem to’n „Songwriter of the Year“ wählt. Dör tallriek Touren kunn se hör Fangemeend immer grötter maaken.
2002 folg dat tweet Album Away from the Sun, dat woll nich mehr so innovativ un ungestüm as de Vörgänger weer, liekers aber dör sien Melodien un deepgründig Texte övertüügen dee. De eerste Single When I’m Gone wurr weer en Hit in den USA un weer 17 Week lang Nummer 1 vun de Mainstream Rock Charts. Todem wurr de Single för twee Grammys nomineert. The Road I’m On weer den eerst de tweete Single in de Bandkarriere, de nich up den eersten Platz, dennoch aber lang in den Top 10 vertreeden weer. Dornah keemen mit Here Without You un Away from the Sun twee langsam Balladen. Eerstere wurr weltwiet en Erfolg un all de darte Top-5-Hit in den offiziellen US-Charts.
2003 folg mit Another 700 Miles en Live-EP mit söben Titeln. Allerdings weern twee dorvan bit dorhen nich herutbrocht Stücke: It’s Not Me (2005 up hör Studioalbum Seventeen Days herutbrocht) un dat Lynyrd-Skynyrd-(Cover) That Smell.
2005 geev dat en Besettenswessel: Slagtüüchspeler Daniel Adair hett de Band verlaaten, um fortan bi Nickelback to spelen un wurr dör Greg Upchurch vun Puddle of Mudd ersett. Kört vör den Wessel keem dat darte Album Seventeen Days herut. Dat Album steeg in de eerst Week vun Null up een in de amerikaansch Albumcharts in un de eerste Single Let Me Go keem bit up Platz 14. Dornah folgten de Singles Behind Those Eyes, Live for Today, Landing in London (mit Bob Seger) un Here by Me. Dormit weern se in de offiziell Charts woll nich spoodriek, hemm aber in den Rock-Charts meest de Top 20 reckt.
An‘ 16. Mai 2008 keem in Düütschland dat veerte Studioalbum vun de Band, 3 Doors Down herut, dat sofort up Platz söss vun de düütsch Album-Charts steeg. In den USA wurr dat Album dat tweete vun de Band, dat up Platz een vun de Charts steeg. All nah veer Week wurr dat mit Gold uttekent. De eerste utkoppelt Single wurr It’s Not My Time. In den USA weer de Song dree Week up Platz 1 vun de Rock-Charts. As tweet Single keem Let Me Be Myself an‘ 24. Oktober 2008 herut.
Dat fievte Studioalbum Time of My Life keem an‘ 15. Juli 2011 herit. Dorut wurrn de Singles When You're Young un Every Time You Go trucken. Van‘ 21. Februar bit 7. März weer de Band in Düütschland up Tour. As Vörband hemm dorbi Seether un Prime Circle speelt.[1]
An‘ 23. Mai 2012 geev de Grupp över hör Websteed bekannt, dat Gitarrist un Background-Singer Matt Roberts de Band ut gesundheitlichen Grünnen verlaaten dee. Roberts weer as Grünnensliddmaat siet 16 Johr dorbi ween. Nahdem dat dör en kört Mitdeelen bi Facebook bekannt wurr, is de Websteed vun de Band, up de en neuer Statement stunn, för en körten Tiet tosommenbraken. Sietdem övernimmt Chet Roberts, de Gitarrentechniker vun de Band, bit to en mögelk Rückkehr vun Matt Roberts bi Liveupträen de sien Parts.[2]
In‘ April 2013 hett Todd Harrell en Verkehrsunfall veroorsaakt, bi de en 47-johrig Mann to Dood keem. Wiel he tosätzlich ok noch ünner Alkoholinfloot un den Infloot vun ünnerscheedlich verschrievensplichtig Medikamente stunn, bestunn vör hüm de Gefohr för mehrere Johren in Haft to kommen.[3] Blots een Johr later wurr he weer alkoholiseert an’t Stüer erwischt. Dat führ dorto, dat man hüm sofort ut de Band rutschmeeten hett. Neben en söss Maand düern Enttoog wurr Harrell to söss Maand Gefängnis veroordeelt.[4] Nee fast Bandliddmaat wurr Justin Biltonen, de Harrell all up de Europatour 2013 vertreeden harr.
In‘ Mai 2015 hett de Band en nee Album mit Naam "Us and the Night" ankünnigt, dat in‘ März 2016 herutkommen sull.[5] Ok en Europatournee mit Pop Evil as Support wurr ankünnigt. In‘ August 2016 is denn de langjohrig Gitarrist Matt Roberts storven. He hörr tüschen 1996 un 2012 to de Band un hett söss Studioalben un een Greatest Hits-Album mit inspeelt.[6]
Musikalisch Stil[ännern | Bornkood ännern]
De Musikstil vun de Grupp is en Mischung ut alternativen Rock, Post-Grunge un Pop. Todd Harrell, ehmaliger Bassist vun de Band, hett aber seggt: „Es ist nicht wirklich Alternative oder Metal oder so etwas – es ist Rock ’n’ Roll!“.
Rezeptschoon[ännern | Bornkood ännern]
Kritik[ännern | Bornkood ännern]
Vör allen in Europa stött de apen to Schau dragen Patriotismus vun de Band up Kritik. An‘ düütlichsten wurrd dat in dat Leed Citizen/Soldier, de as Werbesong för de US-amerikaansch Natschonalgarde schreven wurr.[7]
3 Doors Down seecht sück aber dör de Kritik falsch verstahn, wiel hör Patriotismus kien politische Aktivitäten as to’n Bispeel den Irakkrieg unterstütten deiht. De Band will nah eegen Angaav blots all Suldaten ünnerstütten, de in den Krieg intrucken wurrn, un nich weeten, of se je torüchkommen. Up dat Live-Album vun de Band gifft Singer Brad Arnold folgen Statement af: „Of course we’re not pro war. Nobody likes war. Everybody knows what war brings. But we do support our men and women in the military.“ Chris Henderson hett den Internetdeenst Ultimate Guitar.com in‘ August 2008 en Interview geven, in dat he betont hett, dat de Band up kien Fall politisch is.[8] „Die Kritiker wissen nichts über uns. Wir machen keine Propaganda und sind auch keine politische Band.“ [9][10]
Borns[ännern | Bornkood ännern]
- ↑ http://www.mlk.com/3_doors_down/1388-time_of_my_life_tour_2012
- ↑ http://loudwire.com/3-doors-down-launch-gang-of-outlaws-tour-exclusive-photo-gallery/
- ↑ http://www.rockantenne.de/2150-3-doors-down-todd-harrell-verursacht-toedlichen-autounfall.html
- ↑ http://www.cbc.ca/news/arts/todd-harrell-3-doors-down-bassist-sentenced-to-jail-time-rehab-for-2nd-dui-1.2998326
- ↑ http://insider.ticketmaster.com/3-doors-down-chris-henderson-interview/?c=TMSM_fb_us
- ↑ http://loudwire.com/former-3-doors-down-guitarist-matt-roberts-dead-38/
- ↑ National Guard Movie Promotion (engelsch)
- ↑ 3 Doors Down Guitarist: 'Critics Know Nothing About This Band'
- ↑ laut.de: 3 Doors Down - "3 Doors Down" (CD-Kritik)
- ↑ .monstersandcritics.de: CD Kritik: 3 Doors Down von 3 Doors Down - Musik (Memento von’n 20. Februar 2009 in dat Internet Archive)
