Wittmoldt
Wittmoldt is en Gemeend in’ Kreis Plöön in Sleswig-Holsteen. To dat Gemeendrebeet hörrn de Göder Wittmoldt un Güsdörp as ok de Oortsdeelen Eichhorst un Wittmoldt Siedlung. De Gemeend hett 177 Inwahners (Stand: 31. Dezember 2010) up en Rebeet vun 5,71 km².
Geografie, Verkehr un Wertschap
[ännern | Bornkood ännern]Wittmoldt liggt an de Schwentine etwa 3 km westlich vun Plöön. An’ östlichen Rand vun dat Gemeendrebeet verlöppt de Bundsstraat 76. Buterdem führen de Europääsch Feernwannerweeg E 1 un E 6 dör Wittmoldt.
De Gemeend is landweertschaplich präägt, 78 % vun de Flach ist Landweertschapsflach, dorto kamen noch 17 % Woold- un Waterflachen[1]. In Wittmoldt gifft dat mehrere landweertschaplich Bedrieve för Melkweertschap un Ackerbo, en Landmaschienenbedrief as ok en Utbillnsgestüt vun de ehmalgen Weltklassspringrieder Peter Luther.
Historie
[ännern | Bornkood ännern]Wittmoldt wurr 1281[2] toeerst as „Wotmolte“ in en Oorkunn erwähnt. De Naam hett en ooltpolabischen Oorsprung un betreckt sück up de „Deep in’n Stroom“[3].
De Gootshööf Wittmoldt un Güsdörp stammen in hör hüüdig Form ut de Tiet um 1800.
Literatur
[ännern | Bornkood ännern]- Martin Becker, Gert Kaster, Christine Becker: Kulturlandschaft Holsteinische Schweiz. Wachholtz, Neemünster 2007, ISBN 3-529-02531-3.
- Ulf Seefeldt: Schule Wittmoldt 1957-1969. Ed. Barkau, Großbarkau 1996, ISBN 3-928326-15-5
- Alfons Galette: General Lafayette in Wittmoldt: ein Leben für die Freiheit. Sönksen, Plöön 1989, ISBN 3-927875-21-X
- Ulf Seefeldt: Eine Chronik von Wittmoldt. vervielf. Ms., Wittmoldt 1966
