William Lashly
William Lashly (* 25. Dezember 1867 in Hambledon, Hampshire, England; † 12. Juni 1940, ok dor) weer en britisch Polarforscher.
He nehm all 1901 an de Discovery-Expeditschoon vun Robert Falcon Scott deel. He weer to dissen Tietpunkt Stoker (Heizer) in de Royal Navy.
Ansluutend wurr he ok för de Terra-Nova-Expedition to’n Süüdpol (1910-1913) utwählt. He hörr aber nich to de, de bit to den Süüdpol keemen. 150 Mielen vör dat Ziel hett Scott nämlich dree Lüüd torüch schickt – Thomas Crean, Edward „Teddy“ Evans un William Lashly. Disse dree Mannlüüd mussen en Marsch över 750 Mielen torüch antreden, de se överleevt hemmt. Scott un de annern, de den Süüdpol recken deen, sünd up den Rückweg to Dood kommen. Dank Creans unbändigem Kampgeist, de de letzt 35 Mielen alleen torüchleggt hett, um Hülp to halen, gelung Lashly, Crean un Evans de Rückkehr. Lashly bleev, wiels Crean alleen ünnerwegens weer, bi den swoor an Skorbut krank wurrn Evans.
Nah dat Enn‘ vun disse Expedition hett he sien Deenst bi de Königlich Marine upgeven, hett sück aber bi de Reservisten meld. To Tiet vun den Eersten Weltkrieg weer he up twee Kriegsscheep statschooneert. 1932 gung he endgültig in Pension un leev dornah in Hambledon.
Literatur
[ännern | Bornkood ännern]- A. R. Ellis (Hrsg.): Under Scott's Command: Lashly's Antarctic Diaries. Gollancz, London, 1969
- Apsley Cherry-Garrard: Die schlimmste Reise der Welt . (Originalfassung: The Worst Journey in the World, 1922) Semele Verlag, Berlin 2006. ISBN 3-938869-04-6
- Diana Preston: In den eisigen Tod. Robert F. Scotts letzte Fahrt zum Südpol. Heyne, München, 2. Uplaag, 2002 ISBN 3453197135
- Roland Huntford: Scott und Amundsen. Dramatischer Kampf um den Südpol.. Heyne, München, 2000 ISBN 3453177908