Willi Entenmann

Willi Entenmann (* 25. September 1943 in Benningen am Neckar; † 3. Januar 2012 in Garmisch-Partenkirchen) weer en düüutsch Footballspeler un -trainer.

Entenmann fung sien Loopbahn as Afwehrspeler bi den TSV Benningen an un wessel 1963 to’n VfB Stuttgart, wo ok sien Bröer Rudi Entenmann speel. In sien Tiet bi den VfB Stuttgart keem Willi Entenmann up 237 Bundsligaspelen as ok acht Tweetligaspelen. Dorbi hett he 28 Doren schaaten. Van 1976 bit 1978 hett he sien Karriere bi de TSG Backnang 1919 utklingen laaten.

In sien latere Tiet as Trainer weer Willi Entenmann van 1982 bit 1990 bi den VfB Stuttgart as Amateur-, Assistenz- un Cheftrainer tätig. Dornah traineer he den 1. FC Nürnberg (1991 bit 9. November 1993 un van 3. Mai 1996 bit 31. August 1997), denn weer de Amateure vun VfB Stuttgart (1994 bit 3. Mai 1996), de SpVgg Unterhaching (2. Oktober 1997 bit 30. Juni 1998), tweemal den SV Sandhausen (1999/00 un 2002), den VfR Aalen (2000/01) un den SGV Freiberg (30. Oktober 2003 bit 31. Oktober 2004).

Willi Entenmann weer to’n Ski-Langloop in Öösterriek, as he up eenmal gesundheitlich Probleme kreeg un in dat Krankenhuus vun Garmisch-Partenkirchen inleefert wurr, wo he denn storven is. Man nimmt an, dat he an en Hartinfarkt storven is.

Weblenken

• HefleswetzKick - Trainerdaten wiels de Tiet bi den VfB Stuttgart
• HefleswetzKick - Spelerdaten wiels de Tiet bi den VfB Stuttgart
• Fussballdaten - Speler/Trainerdaten Gesamtloopbahn