Wilhelm Ehlers (Politiker)

Wilhelm Ehlers (* 10. Dezember 1908 in Hornborg; † 18. Juli 1998 in Stood) weer en düütschen Politiker von de SPD. He weer von 1959 bet 1974 Maat von’n Landdag von Neddersassen.

Ehlers is 1908 in Hornborg boren un weer eerst op de Volkksschool un denn op dat Gymnasium in Stood. He hett de mittlere Reife maakt. In de Johren 1927 bet 1938 hett he in de USA un dor en Lehr as Mürger maakt. 1939 hett he in Buxthu de Staatsboschool anfungen un weer dor bet 1941. 1941 hett he dat Examen as Inschenör in’t Rebeed Deepbo maakt. 1942 bet 1945 weer he Soldaat in’n Tweten Weltkrieg (Krieg gegen de Sowjetunion). In’n Krieg is he twee Maal swoor verwunnt worrn un keem 1945 in sowjetsche Kriegsfungenschop. Nadem he ut de Fungenschop freekamen is, füng he 1950 as Architekt bi de Wahnstättengenossenschaft för Kreis un Stadt Stood an. He weer Maat von’n Verwaltungsraad von de Stadtspoorkass Stood un von’n Spoorkassen- un Giroverbandsvörstand in Hannover.

Ehlers is 1954 Kreisvereensvörsitter un Maat von’n Bezirksvörstand von de SPD worrn. Vörsitter von’n Oortsvereen Stood von de SPD is he von 1956 bet 1966 ween. He weer in’n Kreisdag von’n Landkreis Stood un Raadsherr in de Stadt Stood. In de veerte bet sövente Wahlperiood (von’n 6. Mai 1959 bet 20. Juni 1974) weer he in’n Landdag von Neddersassen.

Ehlers hett 1973 dat Verdeenstkrüüz Eerste Klass von’n Verdeenstorden von de Bundsrepublik Düütschland kregen.