Sottörp (Gemeen Rosengoorn)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 525 (2004) | |
| Hööchd: | 99 m över NN | |
| Postleettall: | 21224 | |
| Vörwahl: | 04108 | |
| Geograafsche Laag: | Koordinaten:53° 25′ N, 9° 54′ O53° 25′ N, 9° 54′ O | |
|
| ||
Sottörp (hoochdüütsch Sottorf) is en Dörp in de Gemeen Rosengoorn in’n Landkreis Horborg, Neddersassen.
Geografie
[ännern | Bornkood ännern]Sottörp liggt in de Horbörger Bargen. In de Ümgegend doot ünner annern de Hülsenbarg, de Hasselbraak un de Fistelbarg liggen. In’n Süüdwesten is dat Naturschuulrebeed Bökenholt in’n Rosengoorn.
De Naveröörd sünd Alvsen, Ehstörp un Vohrndörp in’n Noorden, Lüra in’n Oosten, Tötsen un Westerhoff in’n Süüdoosten, Leversen in’n Süden, Sieversen un Rosengoorn in’n Süüdwesten, Swiersdörp in’n Westen un Doasdörp, Tempelbarg un Neegraven in’n Noordwesten.
Historie
[ännern | Bornkood ännern]In’n Eersten Weltkrieg sünd negen Soldaten ut Sottörp fullen oder vermisst un in’n Tweten Weltkrieg 16.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Oort is an’n 1. Juli 1972 mit de Gemeenreform in Neddersassen Deel von de Gemeen Ninndörp worrn, de von 1973 af an denn Gemeen Rosengoorn heten hett. Sottörp billt nu en Oortschop binnen de Gemeen Rosengoorn un hett en Oortsbörgermeester un en Oortsraad mit negen Liddmaten.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 9 Füürsteden |
| 1812[3] | 81 |
| 1824[4] | 15 Füürsteden |
| 1848[5] | 125 Lüüd, 17 Hüüs |
| 1. Dezember 1871[6] | 143 Lüüd, 21 Hüüs |
| 1. Dezember 1910[7] | 126 |
| 1925[8] | 105 |
| 1933[8] | 122 |
| 1939[8] | 140 |
Religion
[ännern | Bornkood ännern]Sottörp is evangeelsch-luthersch präägt un höört to dat Kaspel von de Erlöser-Kark in Vohrndörp. De Kark is 1956 trech worrn. Vörher hett de Oort to dat Kaspel von de Mauritius-Kark in Hittfeld höört.
För de Kathoolschen is de St.-Josef-Kark in Vosshusen tostännig, de siet 1. September 2010 to de Karkengemeen St. Marien in Buxthu tohöört.
Wapen
[ännern | Bornkood ännern]Dat Wapen von Sottörp wiest op grönen Grund en gollen Sood.
Oortsbörgermeesters
[ännern | Bornkood ännern]- opstunns: Wiebke Diercks (CDU)
Oortsraad
[ännern | Bornkood ännern]| Johr \ Partei | Tall | CDU | SPD |
|---|---|---|---|
| 2011 | 9 | 5 | 4 |
| 2016 | 8 | 5 | 3 |
Liddmaten:
- 2016:
- CDU: Wiebke Diercks, Wulf Kästner, Maximilian Leroux, Wolfgang Otten, Andreas Renck
- SPD: Sabine Gambill, Timo Rohde, Ole-Alexander Swars
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Vohrndörp op’n Karkhoff.
Weertschop un Infrastruktur
[ännern | Bornkood ännern]För Sottörp is as freewillige Füürwehr de Füürwehr Vohrndörp-Sottörp tostännig.
In dat Rebeed twüschen Sottörp un Vohrndörp doot negen Kavernen liggen, in de de Nord-West Kavernen GmbH bet to 250.000 m³ Eerdööl inlagert. Disse Kavernen doot in en Deepd von 530 bet 1160 Meter liggen un sünd 1968 anleggt worrn.[9]
Verkehr
[ännern | Bornkood ännern]Dör Sottörp löppt de Kreisstraat 26, de in’n Noordoosten över Vohrndörp na Lüra an de Bundsstraat 75 ran geiht un in’n Süüdoosten na Leversen, Sieversen, Langenrehm un Ems.
De nächsten Autobahnen sünd de A 7 un A 261. De Opfohrt 3 Tötsen op de A 261 liggt so dree Kilometer in’n Süden von Sottörp un de Opfohrt 2 Marmsdörp/Lüra op de A 261 un de Opfohrt 34 Marmsdörp op de A 7 dree Kilometer in’n Noordoosten.
De nächsten Bahnhööv sünd so bi acht Kilometer wied weg in’n Noordoosten de Bahnhoff Horborg un in’n Süüdoosten de Bahnhoff Hittfeld. De Bahnhoff von de S-Bahn Hamborg (Lien 3 un 31) in Neewiedendaal liggt söven Kilometer in’n Noorden.
Dör dat Dörp geiht ok de Radfeernweg Hamborg-Bremen dör.
Literatur
[ännern | Bornkood ännern]- Wilhelm Marquardt: Eine Chronik der vier Walddörfer am Kiekeberg des Landkreises Harburg 1294-1980: Alvesen, Ehestorf, Sottorf, Vahrendorf. 1981
- Michael Peters: Geschichte der zehn Rosengarten-Gemeinden in der Zeit des Nationalsozialismus - Nationale erobern Preußens Selbstverwaltung. 1997
- Werner Voß: Wanderung durch die Geschichte des Dorfes Sottorf: der Sottorfer Süden in 12 Stationen. Sottorfer Hefte. Heft 1. 1996
- Werner Voß: Das Bauerndorf Sottorf. Sottorfer Hefte. Heft 5. 1999
- Willi Wegewitz: Ein Totenhaus unter einem bronzezeitlichen Hügelgrab in der Feldmark Sottorf, Kreis Harburg. 1936
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/vahrendorf.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 214: https://books.google.de/books?id=jN5QAAAAcAAJ&pg=PA214
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 566: http://books.google.de/books?id=tG0AAAAAcAAJ&pg=PA566
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b c http://www.verwaltungsgeschichte.de/harburg.html
- ↑ http://www.nwkg.de/standorte/sottorf.html
