Sam Dockery

Sam Dockery (* 1929 in Lawnside, New Jersey; † 23. Dezember 2015 in Burlington, New Jersey) weer en US-amerikaansch Jazzpianist.

Dockery, de överwegend in Philadelphia leev, hett Anfang vun de 1950er Johren mit den Trompeter Clifford Brown tosommenarbeit. Bekannt wurr he 1956 un 1957 as Liddmaat vun Art Blakey sien Jazz Messengers, wo he mit Bill Hardman, Jackie McLean, Spanky DeBrest un af un to Johnny Griffin uptreeden is. Enn’ vun de 1950er un Anfang vun de 1960er Jahre weer he neben den Bassisten Buster Williams un den Slagtüüchspeler Specs Wright Liddmaat vun dat Quartett vun Jimmy Heath.

Later hett Dockery u. a. mit Sonny Stitt, Benny Golson un Stan Getz arbeit. Af de 1990er Johren hett he ok an de University of the Arts in Philadelphia Ünnericht geven. Neben de Upnahmen mit de Jazz Messengers ut de 1950er Johren gifft dat ok jüngere Upnahmen vun Dockery ünner annern up dat Düppelalbum Live At Ortlieb's Jazzhaus (2000).

Dockery is mit 86 Johren in dat Burlington Woods Krankenhuus an de Folgen vun de Alzheimer-Krankheit storven.

Weblenken

• DNB-Katalog
• Diskographie bi Allmusic