Robert Enke
Robert Enke (* 24. August 1977 in Jena; † 10. November 2009 in Neestadt an’ Röövenbarg) weer en düütschen Footballspeler.
De Doorhöder hett sien Karriere bi SV Jenapharm Jena un FC Carl-Zeiss Jena anfungen, bevör he Profi wurr. 1996 is he nah Borussia Mönchengladbach wesselt. För dissen Vereen hett he 32 Bundsligaspeele absolveert. Denn wessel he to Benfica Lissabon. Dor keem he sogor up 77 Speele van 1999 bit 2002. Dorna is he nah Spanien to'n FC Barcelona wesselt, keem dor aber nicht to'n Insatz (blots en Speel) un wurr denn utlehnt, eerst nah Fenerbahçe Istanbul, denn to CD Teneriffa. 2004 gung he weer nah Düütschland torüch un hüer bi Hannober 96 an. För de Vereen keem he bit to sien Dood up 164 Bundsligaspelen.
För de düütsch Natschonalmannschap hett he 8 Länderspele van 2007 bit 2009 makt. Dat harrn mehr wesen kunnt, aber en poor Verletzungen un Krankheiten hebbt hüm immer weer torüchsmeeten.
Privates
[ännern | Bornkood ännern]Enke weer verheiraadt. De gemeensam Dochter is aber in dat Öller vun 2 Johren an en Harterkrankung storven. Later henn hebbt se noch en Kind adopteert.
Enke is to Dood kommen, as he vun en Zug in Neestadt bis de Bahnövergang Eilvese överfohrn wurr. He hett sück sülvst umbrocht.