Raymond Priestley
Raymond Edward Priestley, siet 1949 Sir Raymond Edward Priestley (* 20. Juli 1886 in Tewkesbury, Gloucestershire; † 24. Juni 1974 in Cheltenham), weer en britisch Geoloog un fröher Antarktisforscher.
Leven
[ännern | Bornkood ännern]Raymond Priestley wurr an de Tewkesbury Grammar School uptrucken. He stunn kört vör sien Afsluss in Geologie an de University of Bristol, as he as geologisch Assistent up Ernest Shackleton sien Nimrod-Expedition (1907–1909) in de Antarktis anhüern dee. Up de Expeditschoon hett he eng mit den renommeerten Edgeworth David en anner Expeditschoonsliddmaat, tosommenarbeit. Priestley hett Mineralien- un Flechtenproben ut de Region sammelt, ünner annern vun Inseln ut dat Rossmeer, de Nordwand vun den Vulkan Mount Erebus un Bargen bi den Ferrar-Gletscher. He weer ok en Liddmaat vun de Grupp, de de Nehrens- un Brennstoffdepots för Shackleton sien binah spoodrieken Versöök legg, as eerst Minsch den Süüdpol to recken. Up en Fohrt in' November 1908 verbroch Priestley wegen to minn Platz in en Telt dree Daag vun en Schneestorm vor dat Telt in en Slaapsack. As de Schneestorm toben dee, is he langsam den Gletscher afrutscht un weer an de sien Foot binah to Dood fallen.
Priestley kehr as Liddmaat vun de schicksalhaft Terra-Nova-Expedition vun Robert Falcon Scott van 1910 bit 1912 in de Antarktis torüch. Sofort nahdem se 1911 mit Scott bi Kap Evans land weern, is Priestley un fiev anner Lüüd gen Norden upbraken, um de Küst vun dat Viktorialand uttoforschen, wo se en Hütt dicht bi Carsten Egeberg Borchgrevink sien Lagerplatz van 1898 an dat Kap Adare uprichten deen. De sülvige Grupp kehr 1912 bi de Terra-Nova-Bucht an de Küst torüch, up half Weg tüschen Kap Evans un Kap Adare. Teihn Wek later wurr hör Telt zerstört un de Terra Nova, dat Schipp vun de Expeditschoon, kunn nich dör dat packies dringen un de Grupp upnehmen. Midden Februar hemm se en lütt Höhl in en Schneewehe graven un bleven dor bit Enn' September, den Anfang vun dat süüdlich Fröhjohr, in en Ünnerkunft, de se „Inexpressible Island“ dööpen deen. In' September sünd de Lüüd fiev Week marscheert, bevör se per Tofall en Lager mit Nehren un Heizstoff funnen un letzten Endes nah Kap Evans torüchkommen deen.
Sien Forschung över Gletscher in de Antarktis broch hüm nah den Eersten Weltkrieg en Forschungsbachelor in Cambridge in. 1920 grünn he gemeensam mit Frank Debenham dat Scott Polar Research Institute in Cambridge. Van de 1930er Johren bit to sien Ruhestand hett Priestley en Reeg vun akademischen un administrativen Posten in Australien un England besett, wobi he Viezkanzler vun de Universität Melbourne, Viezkanzler un Kanzler vun de University of Birmingham, 1953 Vörsitter vun de Royal Commission on the Civil Service un stellvertreden Direkter vun dat hüdig British Antarctic Survey wurr. Van 1961 bit 1963 weer he Präsident vun de Royal Geographical Society, 1949 wurr he all to'n Ridder slahn.
Nah Priestley sünd en Reeg vun geographisch Objekte in de Antarktis nömmt, dorünner de Mount Priestley.
Literatur
[ännern | Bornkood ännern]- S. Murray-Smith: Raymond Priestley. In: Douglas Pike (Hrsg.): Australian Dictionary of Biography. Melbourne University Press, Carlton, Victoria 1966 ff. (engelsch)