Piet Keizer

Vun Wikipedia
Piet Keizer 2007

Peter Johannes (Piet) Keizer (* 14. Juni 1943 in Amsterdam; † 9. Februar 2017[1]) weer en nedderlannsch Footballspeler. De Angreepspeler hett tüschen 1962 un 1974 34 Lännerspelen för de nedderlannsch Footballnatschonalmannschap maakt un dorbi 11 Doren schaaten.

Karriere[ännern | Bornkood ännern]

Vereen[ännern | Bornkood ännern]

Piet Keizer (1974)

Keizer gull in de 1960er un 1970er Johren as en vun de best Speler vun sien Land. 1961 stunn he as 17-Johriger eerstmals in‘ Kader vun den Ehrendivisionär Ajax Amsterdam. Sien kongenialen Mitspeler funn de Linksbuten sowohl bi Ajax, as ok in de Natschonalmannschap in Johan Cruijff. Mit den Wessel vun Cruijff to’n FC Barcelona verlor Keizer ahn sien Partner in‘ Angreep sien dörslahn Kraft.

Tosommen mit Ajax Amsterdam wurr Keizer sössmal nedderlannsch Meester un fievmal nedderlannsch Pokalwinner. Tüschen 1971 un 1973 wunn he mit sien Vereen dreemal nahnanner den Europapokal vun de Landsmeester un wurr 1972 Weltpokalwinner.

För Ajax hett he 365 Spelen maak un dorbi 365 Doren schaaten. Dormit steiht he up Platz 4 in de List vun de Speler mit de meest Insätze för den Vereen.

Natschonalmannschap[ännern | Bornkood ännern]

Een Johr nah sien Profidebüt för Ajax, geev Keizer sien Debüt in de Natschonalmannschap vun de Nedderlannen.

To de Football-Weltmeesterschap 1974 is he blots as Ersatzspeler mitfohren un keem in dat Gruppenspeel gegen de Sweden as Ersatzmann för Rob Rensenbrink to sien eenzigen Insatz. Dat weer denn ok sien 34. un letzt Lännerspeel.

Erfolge[ännern | Bornkood ännern]

Vereen[ännern | Bornkood ännern]

  • Intertoto-Pokal: 1962
  • Nedderlannsch Meester: 1966, 1967, 1968, 1970, 1972, 1973
  • Nedderlannsch Pokalwinner: 1961, 1967, 1970, 1971, 1972
  • Europapokal vun de Landsmeester: 1971, 1972, 1973
  • UEFA Super Cup: 1972, 1973
  • Weltpokalwinner: 1972

Natschonalmannschap[ännern | Bornkood ännern]

  • Viez-Weltmeester 1974

Nah sien aktiv Loopbahn[ännern | Bornkood ännern]

Keizer hett as Scout för den greekschen Vereen Panathinaikos Athen arbeit.

Weblenken[ännern | Bornkood ännern]

Piet Keizer. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Niederlande trauern um Keizer. Sport1.de van‘ 11. Februar 2017 (afropen an‘ 11. Februar 2017).