Pierre André Latreille
Pierre André Latreille (* 20. November 1762 in Brive-la-Gaillarde; † 6. Februar 1833 in Paris) weer en franzööschen Preester un Entomologen. In siene Warke over Insekten hett he allerhand Taxa fastleggt, de hüdigendags noch gellen doot.
Leven
[ännern | Bornkood ännern]Latreille is baren in en eenfache Familie in Corrèze. 1778 fung he up dat College Lemoine in Paris dat Studeern an un woll Preester weern. 1780 besoch he dat Grand Séminaire von Limoges. As he dat 1786 verlaten hett, weer he kathoolschen Diakon. He kehr torüch na siene Vaderstadt Brive un hett sik dor in siene free Tied mit Insekten befaat.1788 gung he wedder na Paris un weer aktiv in de Welt vun de Wetenschop. As Preester hett he siene Last harrt mit de Franzöösche Revolutschoon un möss ut Paris utkniepen. Later is he in Bordeaux achter Trallen sett wurrn. 1796 hett he in Brive sien Wark Précis des caractères génériques des insectes, disposés dans un ordre naturel rutgahn laten. 1798 kreeg he den Updrag, de Kollektschoon vun Insekten for dat ne’e Muséum national d'histoire naturelle in Paris intorichten. 1814 is he Liddmaat vun de franzöösche Akademie vun Wetenschoppen wurrn un 1821 is he to’n Ridder in de franzöösche Ehrenlegion benömmt wurrn. He weer Lehrer for Zoologie an de Scholen for Deertermedizin in Alfort bi Paris un 1830 is he to’n Perfesser for Zoologie beropen wurrn. As 1832 de „Société Entomologique de France“ inricht wurrn is, weer he de eerste Ehren-Vörsitter. Vun 1796 bit 1833 hett Latreille bannig veel Schriften rutgahn laten un is dor een vun de Vaders vun de moderne Entomologie mit wurrn. He hett nich bloß allerhand nee Aarden to’n eersten Mal beschreven, man he hett jem ok insorteert in Geslechter un Familien un dor en wichtigen Bidrag to de bioloogsche Systematik mit geven.
Taxa, de ehren Naam na Latreille kregen hefft
[ännern | Bornkood ännern]- Lumbrineris latreilli Audouin & H. Milne-Edwards, 1833
- Cecrops latreillii Leach, 1816
- Apseudes latreillii H. Milne-Edwards, 1828
- Orbinia latreillii Audouin & H. Milne-Edwards, 1833
- Cilicaea latreillei Leach, 1818
- Bittium latreillii Payraudeau, 1826
- Macrophthalmus latreillei Desmarest, 1822
- Eurypodius latreillei Guérin, 1828
Schriften
[ännern | Bornkood ännern]- Précis des caracteres generiques des insectes, disposes dans un ordre naturel. - Paris-Brive, Prevot - F. Boudreaux XII, 3 201 [7] (1796).
- Histoire naturelle générale et particulière des crustacés et insectes (14 vols., 1802-1805), as Deel vun C. N. S. Sonnini siene Editschoon vun Georges-Louis Leclerc, Comte de Buffon
- Genera crustaceorum et insectorum, secundum ordinem naturalem ut familias disposita (4 vol., 1806, 1807, 1807, 1809)
- Considérations sur l'ordre naturel des animaux composant les classes des crustacés, des arachnides, et des insectes (1810)
- Les crustacés, les arachnides, les insectes: 1-653 In: Cuvier G. Le règne animal distribue d'apres son organisation, pour servir de base à l'histoire naturelle des animaux et d'introduction a l'anatomie Paris, Deterville.
- Annales du Mus. [Cit. ex: Kirby W., Spence W. 1833. Einleitung in der Entomologie, oder Elemente der Naturgeschichte der Insecten., Bd.4: 481] (1821)
- Familles naturelles du règne animal, exposés succinctement et dans un ordre analytique (1825)
- Cours d'entomologie (wo bloß de eerste Deel vun rutkamen is, 1831)
- de hele sectie Crustacés, Arachnides, Insectes, in Georges Cuvier sien Règne animal
- Allerhand Artikels in de Annales du Museum, de Encyclopedie méthodique, de Dictionnaire classique d'histoire naturelle un annerwegens.
Weblenken
[ännern | Bornkood ännern]
Pierre-André Latreille . Mehr Biller, Videos oder Audiodateien to’t Thema gifft dat bi Wikimedia Commons.