Petrus Plancius
Petrus Plancius (* as Pieter Platevoet 1552 in Flannern; † 1622) weer en nedderlandsch Theoloog, Astronom un Kartograaf.
He weer Liddmaat vun de hollandsche reformeerte Kark. Wiel he in disse Kark weer, müss he 1585 na Amsterdam flüchten. Dor keem sien Intress an Navigatschoon un Geografie op. He teken denn as Kartograaf vun de Nedderlannsche Oostindien-Kumpanie över 100 Koorten. Sien Wark weer nich sünnerlich bekannt, vun wegen dat he sien Leevdag kenen Atlanten rutgeven kunn.
1592 möök he aver ene Weltkoort apentlich, de Nova et exacta Terrarum Tabula geographica et hydrographica.
Ok Koorten vun’n Himmel möök he, in de he ne’e Steernbiller inföhr, as de Duuv, de Gieraap oder dat Eenhoorn.
