Peter Tobaben

Vun Wikipedia

Peter Tobaben (* 1. Juli 1905 in Ohlers; † 17. Dezember 1972 in Stood) weer en düütschen Politiker von de DP, later bi de CDU.

Leven[ännern | Bornkood ännern]

Tobaben is 1905 in Ohlers boren un weer von 1911 bet 1919 op de Volksschool. He hett von sien Vader de Bueree övernahmen un hett sik 1932 an de Buernhoochschool in Neudietendorf wiederbillt. In’n Tweten Weltkrieg weer he von 1943 bet 1945 Soldaat un keem denn in sowjetsche Kriegsfungenschop, ut de he 1948 trüggkeem.

Politik[ännern | Bornkood ännern]

Tobaben is 1923 Maat von de DHP worrn un 1948 denn Liddmaat von de Nafolgerpartei, de DP. För de DP weer he von 1948 af an Maat von’n Gemeenraat un von’n Kreisdag. He is na de Kommunalwahl an’n 28. November 1948 an’n 2. Januar 1949 to’n Landraad von’n Landkreis Stood wählt worrn.

Tobaben seet in de eerste Legislaturperiod (1949-1953) un denn wedder von 1957 bet 1972 as Afornten in’n Düütschen Bundsdag. Von’n 6. Mai 1955 bet 31. Oktober 1957 weer he Afornten in’n neddersassischen Landdag (3. Wahlperiod). He is toeerst as Afornten för de DP rinkamen un güng denn an’n 3. Mai 1961 - ut Protest gegen de Fusion von DP un GB/BHE to de GDP - na de CDU. Tobaben is 1949 över de Landslist Neddersassen un von 1957 af an as direkt wählten Afornten von’n Wahlkreis Stood-Bremervöör (von 1965 af an von’n Wahlkreis Stood) in’n Bundsdag intagen.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994: Biographisches Handbuch, 1996, Seite 383
  • Rudolf Vierhaus und Ludolf Herbst (Hrsg.): Biographisches Handbuch der Mitglieder des Deutschen Bundestages 1949–2002. Band 2, N–Z, Saur, München 2002, ISBN 3-598-23782-0, S. 881