Paul Warncke

Paul Warncke (* 13. Mai 1866 in Lübz; † 25. April 1933 in Neubabelsberg) weer en düütschen Bildhauer un hoochdüütschen un plattdüütschen Schriever.

Paul Warncke is in Swerin, Parchen un Rostock na School gahn. Dorna hett bi'n Bookhannel in Lübeck lehrt un besöch denn vun 1893 bit 1896 de Akademische Hoochschool för Bildkünst in Berlin. Dor weer he Schöler vun Prof. Gerhard Janensch. Vun 1892 af an hett he fökener bi de Groten Berliner Kunstutstellen siene Warken utstellt. Man besunners goot leep dat mit de Bilhaueree nich. Vun 1909 af an hett he dor nix mehr maakt un bloß noch schreven. Dor weern Upsätz mank, patriotische Gedichten ((„Bismarcklied“ 1895), Festspelen för dat Schauspeelhuus in Berlin un annere Saken. Vun 1909 af an hett he ok bi de satirische Tietschrift „Kladderadatsch“ as en Redakteur mitmaakt. Bi de Tietschrift för Bildkunst weer he ok mit bi. In dat Johr 1899 hett he en Biographie vun Fritz Reuter up Meckelnborger Platt schreven un bi Voigtländers in Leipzig rutgahn laten. Düsse Biographie geiht in de eerste Uplaag över mehr as 300 Sieten un hett ok veer Uplagen sehn.

Bildhaueree

„Falstaff“ (1897)
„Inspektor Bräsig“ (1898/99)
„Jochen Nüssler“ (1898/99)
Büste Heinrich Seidel (1902)
Büste „Frau Direktor H.“ (1906).

Schrieveree

„Fritz Reuter, Woans hei lewt un schrewen hett“ (1. Upl. Leipzig 1899; 2. Uplaag Stuttgart 1906; 3. Uplaag Berlin 1910; 4. Uplaag Berlin 1922)
„Surrig Lüd, Snaaksche Snurren ut Stadt un Land in Rimels“, Leipzig 1901

Paul Warncke in de Datenbank Die niederdeutsche Literatur (hoogdüütsch)