Owen Moore

Vun Wikipedia
Owen Moore (1914)

Owen Moore (* 12. Dezember 1886 in County Meath, Irland; † 9. Juni 1939 in Beverly Hills, Kalifornien) weer en US-amerikaansch Schauspeler vun irisch Afstammen.

Leven[ännern | Bornkood ännern]

Ebenso as sien Bröers Tom un Matt weer Owen Moore en völbeschäftigt Dorsteller vun de Stummfilmära. Mit 11 Johren keem he mit sien Familie ut Irland in de USA. Nich toletzt wegen sien good Utsehn wurr he för dat Theater un af 1908 ok för den Film opdeckt. He wurr bi de Biograph Company ünner annern vun David Wark Griffith in de sien Fröhwarken insett.

Owen hett dorbi Mary Pickford kennen lehrt, de up den Weg to en Star weer. Se hemm 1911 stillkens heiraadt un tosommen eenige Filme dreiht, dorünner James Kirkwood sien Cinderella un Mistress Nell. 1920 wurr de Ehe schett un Pickford hett Douglas Fairbanks heiraadt. Dornah weer Owen bit to sien Dood 1939 mit de Schauspelersche Kathleen Perry tosommen, mit de he ok in eenig Filmen en Paar dorstellen dee.

Mit Anfang vun de Toonfilmtiet gung dat mit sien Popularität aber bargdaal. He weer woll ok en good Singer, aber för Musicals weer he nu all to old. He keem denn hööftsächlich noch as Nebendorsteller to’n Insatz. Sien letzt Film weer 1937 mit A Star Is Born, in den he he Filmregisseur dorstellen dee.

De dree Moore-Bröers sünd in en Film gemeensam uptreeden: Side Step (1928). Ok de Moder vun de dree Bröers weer Schauspelerin, en Charakterdorstellerin. Se hett hör Loopbahn aber all 1915 afslooten un is nah Irland torüch gahn. Twee wiedere Geschwister, Mary un Joe, weern ok Schauspeler, sünd aber all fröh storven.

In dat Öller vun blots 52 Johren is Owen Moore an en Hartslag doodbleeven.

Up den Walk of Fame in Hollywood is Owen Moore, de in meest 300 Filmen mitwarkt hett, mit en Steern verewigt (6725 Hollywood Boulevard).

Filmografie (Utwahl)[ännern | Bornkood ännern]

Johr Titel Synchroonsnacker
1914 Cinderella
dt.: Cinderella
 
1915 Mistress Nell
dt.: Mistress Nell
 
1916 Intolerance: Love's Struggle Throughout the Ages
dt.: Intolerance
 
1926 Camille oft he Barbary Coast
dt.: Die Frau aus der Tiefe
 
1926 Road to Mandalay
dt.: Der Schrecken von Singapur
 
1927 The Taxi Dancer  
1930 Outside the Law
dt.: Sirenen um Mitternacht
 
1931 Stout Hearts and Willing Hands  
1932 As You Desire Me
dt.: Wie Du mich wünscht
 
1933 She Done Him Wrong
dt.: Sie tat ihm Unrecht
 
1937 A Star Is Born
dt.: Ein Stern geht auf
 

Literatur[ännern | Bornkood ännern]

  • George A. Katchmer: The Four Moore Brothers; Owen. – Artikel in „Classic Images“ April 1988, Ausg. 154, Sieden 30, 32, C1-C2

Weblenken[ännern | Bornkood ännern]