Otto Stegemann

Vun Wikipedia

Otto Stegemann (* 2. Februar 1893 in Dresden; †) weer en düütschen Politiker von de SPD.

Stegemann is 1893 in Dresden boren. In’n Eersten Weltkrieg weer he Soldaat un keem in Fungenschop. He hett Juristeree und Staatswetenschoppen an de Universitäten Grenoble, München un Berlin studeert un 1924 in Berlin sien Dokterarbeid över Die Währungsfrage in China schreven. Von 1927 bet 1931 hett he bi dat Ministerium för Hannel un Gewarv in Berlin as Hülpsreferent un denn as Regerungsraad arbeidt.

Stegemann weer von Mai 1931 bet 1933 Landraad von’n Kreis Oosterholt. An’n 18. Mai 1933 is he na de Machtergreifung in’n einstweiligen Rohstand versett worrn. He hett denn in de Wirtschaftsverwaltung arbeidt un in Potsdam-Babelsberg leevt.

Na’n Tweten Weltkrieg is Stegemann för de Tied von’n 6. Januar 1947 bet to’n 31. Dezember 1953 Oberkreisdirekter von’n Landkreis Oosterholt ween.

Warken[ännern | Bornkood ännern]

  • Die Währungsfrage in China. Dokterarbeid, 1924