Mouvement Normand

Vun Wikipedia
Flagg is vörslaan worrn, aver nich offiziell Flagg vun de Normandie (nich offiziell)

De Mouvement Normand [muv.mɑ̃.nɔʁ.ˈmɑ̃] (Normannsche Bewegen) is en polietsche Organisatschoon in Frankriek, de mehr Unafhängigkeit för de Region vun de Normandie hebben will. Anners as annere Gruppen in Frankriek, de för de Unafhängigkeit vun en Region oder vörmolige Provinz striet (as in de Bretagne, in Korsika un in dat Baskenland), will de Movement Normand vun en Afscheden vun Frankriek nix weten. De Bewegen steiht dorachter, dat de Normandie en Deel vun Frankriek is. De Anhängers vun de Movement meent, de hüdigen Normannen stammen vun de Wikingers ut dat fröhe Middelöller af, as Rollo dat Land vun König Karl III. to Lehn kregen hett. Toeerst is dat Movement en Bewegen an de rechte Kant vun de polietschen Parteien ween, man in de lesten Johren schall se sik na de Midden vun dat polietsche Spektrum hen verschaven hebben.

Wat se sik vörnahmen hefft[ännern | Bornkood ännern]

  • De Hoochnormandie un de Neddernormandie schöllt tohopenfaat weern in en Region mit Naam „Normandie“.
  • De Regeern vun de Region Normandie schall mehr to seggen hebben.
  • De besunnere Kultur vun de Normandie schall gellen laten un schützt weern.

Weblenken[ännern | Bornkood ännern]