Ludwig Amadeus vun Savoyen

Ludwig Amadeus vun Savoyen

Ludwig Amadeus Josef Maria Ferdinand Franz vun Savoyen, Hertog vun de Abruzzen (italieensch Luigi Amadeo Giuseppe Maria Ferdinando Francesco di Savoia; * 29. Januar 1873 in Madrid; † 18. März 1933 in Mogadischu) weer en italieensch Marineoffizier un Forscher. He weer de drüdde Söhn vun’n König Amadeus vun Spanien.

1897 weer he de eerste, de op den Saint-Elias-Barg kladdern dei.

He kartografeer 1899 tohoop mit’n italieenschen Polarforscher Umberto Cagni den Noorddeel vun't Franz-Josef-Land. De Reis to’n Noordpol mit de Stella Polare hett aver nich klappt. Vun 1906 an möök he ene Expeditschoon in de Ruwenzori-Bargen un forsch de ut. Dorbi weer he op all de Bargen, op de bet denn noch nüms ropkladdert weer, un hett 16 Bargen utmeten. 1908 hett he dat Book Il Ruwenzori över siene Reis schreven.

1910 reis he in’t Himalaya un forsch den K2 vun dree Sieden ut. An’n Chogolisa keem he 7500 Meter hooch.

In’n Eersten Weltkrieg weer he Marinekommandant un later in de italieensche Kolonie Somalia, wo he en Munstersiedlung opbo.

De Ludwig-vun-Savoyen-Barg in de Ruwenzori-Bargen un de Ludwig-Amadeus-Spitz in’t Appennin sünd na em nöömt.