Liberale Demokraten
Dit Woort hett noch annere Bedüden: kiek dorför ünner Liberal Democrats.
De Liberale Demokraten – Die Sozialliberalen (Kortbeteken: LD) sünd en linksliberale politische Lüttpartei in Düütschland, de ehrn Hööftsitt in Düsseldörp hett[1][2]. Vörsitter is aktuell Kasim Dönmez[3].
Politisch Profil
[ännern | Bornkood ännern]De Liberalen Demokraten seht sik histoorsch as de „Arven vun de börgerlichen Revolutschonen un jemehr Foddern na Freeheit, Gliekheit un Bröderlichkeit“. Se stellt sik in de „Traditschoon vunn demokraatschen un sozialen Liberalismus“[4] Jemehr anliggen is ünner annern de „Minschenwöörd dör Sülvstbestimmen“, „Sekern un Utwieten vun de Börgerrechten“, „Demokratiseeren vun de Weertschop“ un de „Reform vun’n Kapitalismus“[5]. In jemehr Grundsätz hebbt se sik to Anfang op de Freiburger Thesen beropen, de 1971 in de FDP opstellt worrn sünd. To de wichtigsten Resultaten vun jemehr egen Programmarbeit tellt de Schriften Die Demokratie erneuern (1985) un Arbeit für Alle (1986).[6]. Den Tosatz de Sozialliberalen hett de Partei 1991 in ehrn Naam opnahmen, üm dat programmaatsche Profil düütlicher to maken. In’n Middelpunkt vun de politischen Arbeit staht vundaag de Minschenrechten, Ümweltschuul un soziale Gerechtigkeit. De Marktweertschop un den Besitt seht se as Middel to’n „Wohren un Mehren vun de minschlichen Freeheit“[7]. Butendem wennt sik de LD gegen de Fief-Prozent-Hinnern[8]. Opstunns warrt in verschedene Tosamenhäng dat Thema Grundinkamen ahn Bedingen diskuteert.
Historie
[ännern | Bornkood ännern]As 1982 de sozialliberale Koalitschoon uteneen gahn is, sünd vele sozialliebral orienteerte Liddmaten ut de FDP utpeddt. En poor dorvun sünd na de SPD oder na de Grönen wesselt, de annern hebbt an’n 28. November 1982 in Bochum de Liberalen Demokraten grünnt. De Partei harr to de Tiet 1.100 Liddmaten. De eerste Vörsitter vun de Partei is de fröhere hess’sche FDP-Landdagsafordente Ulrich Krüger worrn.
Bi de vörtagen Bundsdagswahl 1983 hett sik de LD noch nich opstellt, üm nich starkere Parteien in’t linke Lager Stimmen wegtonehmen dör de egene Kandidatur ahn Utsicht. Bi de Landdagswahlen in’n Harvst vun’t glieke Johr (Bremen un Hessen) is de LD beide mol mit 0,4 % düütlich ünner’t Teel bleven. Bi de Europawahl 1984 hebbt se sik nich bedeeligt. Krüger hett in’n Naklaapp sien Amt opgeven. Ne’e Vörsitter weer Ralf Bartz, de dormolige Kanzler vun de FernUniversität in Hagen. Ok bi de Bundsdagswahl 1987 hett de Partei nich kandideert, man se rööp dorto op, de Stimmen för de SPD aftogeven [9]. Bi de Europawahl 1989 wull de LD denn doch kandideeren, kreeg dorför aver nich noog Ünnerschriften vun Ünnerstütters tosamen. Up Anraden vun’n Bundsvörstand schüll sik de Partei denn oplösen, man de Freiburger Kulturanthropologsche Gabriela Safai hett sik as ne’e Vörsittersche to Wahl stellt, so dat de Partei wietermaken de. Ehr eerste Amtstiet weer bit to’n Bundsparteidag in Kassel in’n März 1995. In’n November 1996 is se in Heidelbarg noch mol wedder as Vörsittersche wählt worrn un stünn bit to’n 8. November 2008 an de Spitz vun de Partei[10]. Nafolger is de vörherige Schattmeester Bernd Grothkopp worrn. Op’n Parteidag vun’n 22. Mai 2011 is denn Rainer Schlitt ut Kirtorf to’n ne’en Vörsitter wählt worrn.
Mandaten hett de Partei bit hüüt blots op kommunnale Even hatt. Bit 1999 weer se mit een Afordenten in’n Gemeenraat vun Heidelbarg vertreden. Tietwies harrn se ok in Berlin en Landdagsafordenten, as 1992 Hans Schwenke vun’t Ne’e Forum na de LD wesselt is. De güng aver gau wedder rut ut de Partei un weer denn Liddmaat vun de FDP. To en letzte gemeensome Wahllist mit de Grönen keem dat 1997 in Dieburg[11]. Siet de Tiet speelt de LD keen Rull mehr. In’t JHohr 2005 sünd de LD na lange Tiet eerstmols wedder bi en Landdagswahl anpeddt (in Noordrhien-Westfalen) un hebbt dormit jemehrn Parteistatus för de nächsten Johren sekert.
In’n Vörfeld to de Landdagswahl vun Noordrhien-Westfalen 2010 kregen de LD wedder nich noog Ünnerstütters tohopen för jemehr Landslist[12]. Tolaten weer aver en Direktkandidatur in’n Wahlkreis Köln VII. De Kandidat hett an’t Enn 0,2 % vun de Stimmen kregen.
Landsverbännen
[ännern | Bornkood ännern]| Landesverband | Vorsitzender |
|---|---|
| Baden-Württemberg | Bernd Grothkopp[13] |
| Berlin | Dieter Schulz[14] |
| Neddersassen | Steve Bourne[15] |
| Noordrhien-Westfalen | Paul Vossiek[16] |
Resultaten bi Landdagswahlen
[ännern | Bornkood ännern]- Bremen 1983: 0,4 %
- Hessen 1983: 0,4 %
- Berlin 1985: 0,1 %
- Berlin 1989: 0,0 %
- Noordrhien-Westfalen 1985: 0,0 %
- Noordrhien-Westfalen 2005: 0,0 %
- Noordrhien-Westfalen 2010: 0,0 %
- Noordrhien-Westfalen 2017: 0,0 %
- Berlin 2021: 0,0 %
Borns
[ännern | Bornkood ännern]- ↑ Parteiunterlagen zum Download - Der Bundeswahlleiter. Afropen an’n 8. April 2021.
- ↑ Impressum. In: Liberale Demokraten - Die Sozialliberalen. Afropen an’n 24. März 2022 (de-DE).
- ↑ Bundesvorstand. In: Liberale Demokraten - Die Sozialliberalen. Afropen an’n 1. Februar 2022 (de-DE).
- ↑ „Präambel“, beslaten op’n Bundsparteitag an’n 15./16. Januar 1983 in Bonn. In: Die Beschlüsse der Liberalen Demokraten, Bonn 1983, S. 4. (PDF-Dokument bi de LD Overhus)
- ↑ Die Beschlüsse der Liberalen Demokraten, a.a.O., S. 6.
- ↑ Afdruckt in: Ralf Bartz, Hanno Jochimsen, Hans-Herbert Wilhelmi (Rgv.): Freisinnig wider die Restauration. Werte und Wege radikaldemokratischer Politik, Bonn 1988, S. 146 - 174.
- ↑ Grundsatzprogramm in de Faten vun 2005
- ↑ Vgl. Die Demokratie erneuern - ein Appell der Liberalen Demokraten, in: Freisinnig wider die Restauration, a.a.O., S. 153.
- ↑ Sozialdemokratischer Pressedienst, 42. Jg., Nr.2, 5. Januar 1987, S. 6 (PDF-Dokument bi dr Friedrich Ebert-Stiftung)
- ↑ Protokollen vun de Bundsparteidaag vun’n 5. März 1995 un 16. November 1996.
- ↑ Wahlresultaten
- ↑ Pressenaricht vun de Landswahlleitersche NRW vun’n 30. März 2010
- ↑ Baden-Württemberg. In: Liberale Demokraten - Die Sozialliberalen. Afropen an’n 8. April 2021 (de-DE).
- ↑ Berlin. In: Liberale Demokraten - Die Sozialliberalen. Afropen an’n 8. April 2021 (de-DE).
- ↑ Niedersachsen. In: Liberale Demokraten NRW - Die Sozialliberalen. Afropen an’n 24. November 2021 (de-DE).
- ↑ Personen. In: Liberale Demokraten NRW - Die Sozialliberalen. Afropen an’n 12. September 2021 (de-DE).
Literatur
[ännern | Bornkood ännern]- Ralf Bartz, Hanno Jochimsen, Hans-Herbert Wilhelmi (Rgv.): Freisinnig wider die Restauration. Werte und Wege radikaldemokratischer Politik. Verlag im Hof, Bonn 1988, ISBN 3-925689-03-6.
- Burkhard Gutleben: Linksliberale Splitterparteien im 20. Jahrhundert. Eine Skizze. In: Jahrbuch zur Liberalismusforschung 4/1992, S. 217–228. (Aktualiseerte un gröttere Web-Version ünner den Titel: 100 Jahre linksliberale Kleinparteien in Deutschland)