Langeoog

Vun Wikipedia
Wesseln na: Navigatschoon, Söök

Langeoog is en lüttje Eiland in't Nordsee un is en von den söven ostfreeske Oogs. Up Langeoog leven so 2.500 Mensen un de Tourismus is heel wichtig för de Insulaners. De hebbt an de 15.000 Betten un mehr as 1 Million Övernachtungen pro Johr.

Wahrteken[ännern | Bornkood ännern]

Watertoren mit Lale Andersen hör Denkmal

Dat Wahrteken van Langeoog is de Watertoren, de 1909 bood un 1994 renoveert wurden is. Siet Mert 2005 steiht vör de Watertorern een Denkmal van Lale Andersen (Lili Marleen) de up Langeoog levt het un ok beerdigt is.

Na Langeoog kannst mit ’n Schip hen, ahn up de Tide achten to mutten, as de dor tidefree sünd, as up Nördernee und Borkum. Dat heet, dat sik de Fohrplan nich jeden Dag ännern deit, as dat up Juist, Baltrum, Spiekeroog und Wangeroog is.

De Haben[ännern | Bornkood ännern]

De Haben an ’t Fastland hen nah Langeoog is Bensersiel, een Deel van't Samtgemeend Esens.

De Haben van Langeoog is heel groot un in't Krieg bood wurden. De Haben ward brukt van ’t Schipfahrt van't Gemeend, de na Bensersiel hen fohren, van ’t DGzRS, van ’t Seilerverein und van ’t Seilschool.

De Inselbahn[ännern | Bornkood ännern]

Van ’t Haben in ’t Dörp fohrt de Inselbahn. Van 1896 bit 1937 geev dat een Peerbahn, dat heet de Wagens sünd van Peer locken wurden. De Bahn gung damals noch heel dör dat Dörp bit hen nah ’t Hospiz. 1937 is een nee Bahnhof bood wurden und een Inselbahn mit Motor insett wurden. Siedem fohrt de Inselbahn nich mehr dör ’t Dörp. 1995 sünd twee heel nee Insebahnen mit tein Waggons un fiev Loks köfft wurden. 2005 sünd twee nee Waggons för Rüllstöl un Kinnerwagens kövt wurden. Tüschen 1993 un 1996 is ok de Langeooger Bahnhof up sülvig Stee nee bood wurden.

Flegerhaben[ännern | Bornkood ännern]

Up Langeoog givt dat oock een lüttjen Flugplatz, de is 1997 nee maakt worrn un een plastert Bahn kregen het.

School[ännern | Bornkood ännern]

Dat givt ok 'n School up Langeoog, de bet to de teinte Klass geiht und van 150 Kinners besöökt wurd. Dorna gahen de Kinners (wenn se Abitur maken wullen) up ’d NIGE, dat is de Nedersaksische Heimskool in Esens.

Politik[ännern | Bornkood ännern]

De Buurmester up Langeoog heet Hans Janssen (keen Partei, siet 2004) und de Koalitschoon, de de meesten Sitten in ’t Raad hett, is siet 2001 de CDU/FDP.

Natur[ännern | Bornkood ännern]

Up Langeoog givt dat een heelen Büld Vögels to nüsseln. Om Oost nüsselt een hellen Büld Karben („Larus argentatus“).