Kwak Pom-gi

Kwak Pom-gi (koreaansch 곽범기) is en noordkoreaanschen Politiker.

Kwak is 1983 Baas von de Maschinenbofabrik Hichon in de Provinz Jagang worrn un dat bet 1993 bleven. He is 1993 eerst Viez-Vörsitter un denn Vörsitter von de Kommission för Maschinenboindustrie binnen de Arbeiderpartei Korea wesen. Bi dat Plenum von dat Zentralkomitee an’n 8. Dezember 1993 is he as Kannedaat wählt worrn. Bi de Wahl von’n 26. Juli 1998 is he Viez-Vörsitter von’n Ministerraad worrn un bi de Wahlen an’n 3. August 2003 un 8. April 2009 is he för dit Amt noch wedder wählt worrn. Dat Amt hett he denn aver in’n Juni 2010 afgeven un is in’n Juli as Nafolger von Thae Jong-su Provinzsekretär von de Arbeiderpartei Korea in de Provinz Süüd-Hamgyong worrn.

An’n 28. September 2010 is Kwak as Maat von’t Zentralkomitee wählt worrn. In de 11. un 12. Wahlperiood (1998-2009) weer he Maat von de Böverste Volksversammlung.