Kurt Stenzel (Journalist)
Kurt Stenzel (* 21. Mai 1938 in Luxemburg; † 3. April 2012[1] ) weer en düütsch Feernsehjournalist.
Leven[ännern | Bornkood ännern]
Stenzel hett Politische Wetenschap, Philosophie un Geschichte in Tübingen un München studeert. Sien Doktertitel hett he bi Perfesser Eric Voegelin, Universität München, maakt mit dat Thema: Pascals Theorie des Divertissements. In München weer he in den Sozialdemokraatschen Hoochschoolbund (SHB) aktiv un 1962/63 Vörsitter vun den SHB München. 1966 weer he Mitverfater vun de Schrift Mobilisierung der Demokratie, de vn Waldemar von Knoeringen herutgeven wurrn is.[2]
Af 1967 weer Stenzel bi’t Feernsehn vun den Süüddüütschen Rundfunk (SDR) beschäftigt. He weer as Assistent vun Emil Obermann ünner annern an de Entwicklung vun dat Feernsehmagazin Pro und Contra bedeeligt. De sien Redaktschoon hett Stenzel in de eerst Johren övernommen. Buterdem weer Stenzel för de SDR-Redaktschonen vun de Feernsehmagazine Report un Weltspiegel verantwoortlich. Bi de Weltspiegel weer he ok Moderator.
Af 1977 weer Stenzel as ARD-Korrespondent in’ Nahen Osten tätig. He weer de eenzig Feernsehjournalist in Mogadischu wiels de Entführen vun dat Floogtüüch Landshut. 1981 wurr he Leiter vun de Badisch Feernseh-Redaktschoon vun den SDR in Mannheim un 1994 Chefredakteur Feernsehn vun den SDR. 1995 wurr Stenzel Vörstandsvörsitter vun dat Huus vun den Dokumentarfilm.[3] Van 1999 bit to sien Inträe in den Ruhstand 2002 weer he in Genf ARD-Korrespondent för de Swiez un för de UNO.
Stenzel is in’ April 2012 storven. He harr toletzt in Edingen-Neckarhausen leevt.