Klaus-Peter Siegloch

Vun Wikipedia
Klaus-Peter Siegloch (2015)

Klaus-Peter Siegloch (* 15. Mai 1946 in Hamborg) is en düütsch Journalist un Nahrichtenspreker.

Siegloch hett an de Universität Hamborg Politikwetenschop, Soziologie un Volksweertschopslehr studeert. Dat Studium hett he 1973 as Diplom-Politologe afslooten.

Sien beroplich Karriere fung an as Redakteur bi de NDR. He weer eerst bi de Nahrichtensendung Tagesschau un in’t Regionalfeernsehn; later henn weer he Moderator vun de Sendung Tagesthemen.

1988 is Siegloch up Empfehlung vun Hanns Joachim Friedrichs to’n ZDF wesselt. Dor weer he as Baas vun de Hööftredaktschoon Binnenpolitik för Sendungen as Länderspiegel, Politbarometer un, tosommen mit de domalig ZDF-Chefredakteur Klaus Bresser, för de Sennenreeg Was nun,...? tostännig.

Siegloch wurr de Baas vun dat ZDF-Studio in Bonn. 1992 övernehm he de Upgaav vun stellvertredend Chefredakteur un 1994 wurr he Baas vun dat Studio in Washington D.C.

Fiev Johr later, 1999, keem Siegloch weer nah Düütschland torüch un övernehm de Moderatschoon vun de heute-Sendung – in’ Wessel mit Petra Gerster. Af 2003 weer he stellvertredend Chefredakteuer vun’t ZDF un Leidsmann vun de Hööfredaktschoon Aktuelles. Dorneben weer he vun 2003 bit Mai 2007 en so nömmt Anchorman (also Hööftspreker) vun’t heute-journal. Disse Job hett he sück mit Claus Kleber un Marietta Slomka deelt. In Juni 2007 wurr he denn vun Steffen Seibert aflöst.

Siegloch gung denn weer nah Washington un övernehm dor in November 2007 de Leeden vun’t ZDF-Studio.

An' 2. März 2011 wurr Siegloch to'n Präsidenten vun den Bundsverband vun de Düütsch Luftverkehrswertschap (BDL) wählt; he hett dat Amt to'n 1. Juni 2011 övernommen,[1] fief Johr later hett he dat an Stefan Schulte (bit dorhem Vörstandsvörsitter vun Fraport) övergeven.

Siegloch is Liddmaat vun’t Kuratorium vun de Bertelsmann-Stiftung.

He is verheiraadt un hett twee Kinner.

Utteknungen[ännern | Bornkood ännern]

  • 1989 Herbert-Quandt-Medien-Pries
  • 1998 TV-Pries des RIAS-Berlin-Kommission.

Weblinks[ännern | Bornkood ännern]

Klaus-Peter Siegloch. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. http://www.bdl.aero/presse/uebersicht-aktuelle-meldung.html