Klaus Bresser

Klaus Bresser op de Berlinale 2008

Klaus Bresser (* 22. Juli 1936 in Berlin) is en düütschen Journalist un ehmoligen Feernsehmoderator.

Leven un Wark

Bresser hett al in sien Schooltiet anfungen, Artikels för de Aachener Volkszeitung un de Aachener Nachrichten to schrieven. Na sien Abitur hett he Germanistik, Soziologie un Theaterwetenschoppen in Köln studeert un möök blangento en Volontariat bi’n Kölner Stadt-Anzeiger. As he mit dat Studium fardig weer is he bi dat Blatt Baasreporter worrn. In’t Johr 1965 füng he bi’n WDR an, woneem he 1971 dat Regeer vun de Monitor-Redakschoon övernahmen hett. 1973 övernehm he dat Seggen vun de aktuellen Redakschoon un hett verschedene Sennen modereert, so as den Brennpunkt.

In’n Dezember 1977 wessel he denn na’t ZDF, wo he groten Andeel an de Konzepschoon vun’t heute-Journal harr. Toeerst weer he dor Moderater un laterhen Leider. Dorna arbeit he as Leider vun de Redakschoon Binnenpolitik. An’n 1. April 1988 is Bresser Nafolger vun Reinhard Appel as Baasredakteur vun’t ZDF worrn. Wiel sien Amtstiet hett dat ZDF Sennen as dat Morgenmagazin, dat Mittagsmagazin, Frontal un Bonn direkt inföhrt. He weer an’n 1. April 2000 vun Nikolaus Brender aflööst.

Vun September 2002 bit November 2003 hett he bi den Senner n-tv den Talk in Berlin modereert. Butendem hett Bresser en Reeg vun Böker publizeert.

Siet 1975 is Bresser in tweete Eh verheiraat.

Böker

• Die Karikaturen des Jahres 1990/91. Verlag Walter Podszun, Brilon 1991, ISBN 3-923448-85-6.
• Die Karikaturen des Jahres 1991/92. Verlag Walter Podszun, Brilon 1992, ISBN 3-923448-97-X.
• Die Karikaturen des Jahres 1992/93. Verlag Walter Podszun, Brilon 1993, ISBN 3-86133-114-4.
• Die Karikaturen des Jahres 1993/94. Verlag Walter Podszun, Brilon 1994, ISBN 3-86133-121-7.
• Die Karikaturen des Jahres 1996. Verlag Walter Podszun, Brilon 1997, ISBN 3-86133-149-7
• Die Karikaturen des Jahres 1997. Verlag Walter Podszun, Brilon 1998, ISBN 3-86133-164-0
• Die Karikaturen des Jahres 1998. Verlag Walter Podszun, Brilon 1999, ISBN 3-86133-182-9.

Utteken

• Theodor-Wolff-Pries (1963)
• Goldene Kamera (1986)
• Herbert Quandt Medien-Pries (1989)
• Medienpries för Spraakkultur (2000)
• Saure Gurke (2000)
• Verdeenstorden vun’t Land Rhienland-Palz (2000)

Weblenken

Klaus Bresser. Mehr Biller, Videos oder Audiodateien to’t Thema gifft dat bi Wikimedia Commons.

• Literatur vun un över Klaus Bresser in’n Kataloog vun de Düütschen Natschonalbökeree
• Klaus Bresser: LORI, DORI, LARIFARI - Information im Fernsehen droht zum Entertainment zu verkommen. In: SPIEGEL special 01/1995 vun’n 1. Januar 1995, Siet 71.