Johann Ulrich Pauli (1682–1741)

Vun Wikipedia

Johann Ulrich Pauli (* 6. Juni 1682 in Hamborg; † 20. April 1741) weer en Hambörger Senater.

Pauli is 1682 as Söhn von’n Avkaat Ulrich Pauli (1637–1699) in Hamborg boren.[1] He hett sik in’n April 1705 an de Universität Rostock för en Studium von de Juristeree inschreven[2] un dor in’n September 1709 den Dr. jur. maakt.[3]

An’n 29. November 1719 is he Hambörger Senater worrn.[1] He weer von 1729 bet 1735 Amtmann von dat Amt Ritzbüttel. 1735 is Pauli Colonelherr in dat Katharinenregiment worrn.

Pauli weer veer Maal verheiraadt.[1] He hett an’n 3. August 1710 Theodore Margaretha Schweder († 27. Januar 1715; Dochter von Georg Melchior Schweder) freet, an’n 31. Januar 1719 Dorothea Schramm († 7. November 1719), an’n 16. September 1720 Helena Ursula Schaffshausen (25. Oktober 1695–5. März 1723; Dochter von Julius Hinrich Schaffshausen) un an’n 24. Januar 1724 Anna Catharina Matsen († 3. Februar 1763).[1][3] Pauli harr ölven Kinner, von de meist all aver jung doodbleven sünd.[1] Blots de Kinner Anna Catharina (1726–1759) un Johann Ulrich (4. Dezember 1727–18. August 1794) sünd grootwussen.[1][3]

Footnoten[ännern | Bornkood ännern]

  1. a b c d e f Friedrich Georg Buek: Genealogische und biographische Notizen über die seit der Reformation verstorbenen hamburgischen Bürgermeister. Meißner, Hamborg 1840, Sied 116
  2. Indrag in dat Rostocker Matrikelportal
  3. a b c Hans Schröder: Lexikon der hamburgischen Schriftsteller. Band 6, Hamburg 1873, Nr. 2949