Jay McShann

Jay McShann um 1995

Jay McShann, eegentlich James Columbus McShann, ok as Hootie McShann bekannt, (* 12. Januar 1916 in Muskogee, Oklahoma; † 7. Dezember 2006 in Kansas City, Missouri) weer en US-amerikaansch Blues- un Swing-Pianist, Bandleader un Singer.

Leven

McShann harr sück as Kind sülvst dat Pianospelen bibrocht. 1931 fung he an in de Gegend um Tulsa, Oklahoma bi Al Dennie un in den Nahberstaat Arkansas as Profimusiker to arbeiten. 1936 truck he nah Kansas City in Missouri, wo he in de Band vun Buster Smith speel un 1939 sien eegen Big Band grünnen dee, in de Gene Ramey, Gus Johnson, Bernard Anderson, de Singer Al Hibbler un Walter Brown as ok Charlie Parker (1937 bit 1941, dormals noch Teenager) spelen deen. Se hemm sowohl Blues as ok Swing speelt, hemm aber överweegend Blues-Stücke upnommen. Hör bekanntst Upnahm weer Confessin' The Blues. Parker kunn sück in de Band vun McShann to en anseggten Saxophonisten entwickeln. 1944 hett sück de Band uplööst, as McShann sien Militärdeenst antreden muss, keem aber nah sien Entlaaten in dat glieker Johr för en körten Tiet weer tosommen. Neben sien regulär Band speel McShann in en Trio mit Gene Ramey un Gus Johnson Enn' April 1941 för Decca den Song Confessin’ the Blues in; Singer weer Walter Brown. De reck Rang 24 vun de Billboard Top 30. Eerst in' Juli 1943 gelung hüm mit sien Orchester un den Bandsinger Al Hibbler en wieder Hit mit Get Me on Your Mind (#18). Dat weer ok de eenzig Hit, bi de Charlie Parker mitwarken dee, de allerdings nich mit en Solo to hören weer.

In de tweet Hälft vun de 1940er Johren harr McShann lüttgere Bands. He leev jetzt in Los Angeles. 1945 fung he an, mit Jimmy Witherspoon tosommentoarbeiten un Upnahmen to maken. Dornah keem he aber tonehmend in Vergeetenheit. 1948 gung he nah Los Angeles, wo he en lütt Band grünnen dee, un 1958 weer nah Kansas City.

1969 wurr Jay McShann weer opdeckt un kreeg sietdem düchtig Popularität as Singer un Pianist. Sien CD Going To Kansas City wurr för en Grammy, allerdings in de Kategorie „Traditschoneller Blues“, nomineert. McShann is ok in den vun Clint Eastwood dreiht Dokumentarfilm The Blues to beleven. De 3. März 1979 wurr vun den Gouverneur vun Missouri to'n „Jay McShann Day“ utropen.

Jay McShann is 2006 mit 90 Johren in Kansas City storven.

Sammlung

• The Complete Master Jazz Piano Series mit Earl Hines, Claude Hopkins, Cliff Jackson, Keith Dunham, Sonny White, Jay McShann, Teddy Wilson, Cliff Smalls, Sir Charles Thompson, Gloria Hearn & Ram Ramirez – (1969–1974) – (Mosaic – 1990) – 6 LPs oder 4 CDs

Utteknungen

• 1987: NEA Jazz Masters Fellowship
• 1988: Upnahm in de Blues Hall of Fame
• 1996 Pioneer Award der Rhythm and Blues Foundation.

Filme

• Hootie Blues, 1978, Dokumentarfilm
• The Last of the Blue Devils, 1980, Dokumentatschoon över den Jazz in Kansas City

Diskografie

1954 Jay McShann 1966 McShann’s Piano 1967 Kansas City on My Mind 1969 Roll ’Em 1969 Confessin' the Blues 1969 New York: 1208 Miles 1971 The Big Apple Bash 1972 Going to Kansas City 1973 Kansas City Memories 1974 Vine Street Boogie 1976 Crazy Legs and Friday Strut 1977 After Hours 1978 Kansas City Hustle 1979 A Tribute to Fats Waller 1980 Tuxedo Junction 1982 Swingmatism 1983 Just a Lucky So and So 1985 Airmail Special

1989 At Cafe Des Copains 1989 Paris All-Star Blues: A Tribute to Charlie Parker 1990 Blue Pianos (mit Axel Zwingenberger) 1992 The Missouri Connection 1992 Some Blues 1996 Marian McPartland’s Piano Jazz with Guest Jay McShann 1996 Warm 1996 Piano Playhouse 1997 Hootie’s Jumpin' Blues 1998 Havin’ Fun 1998 My Baby with the Black Dress On 1999 The Last of the Blue Devils 1999 Still Jumpin’ the Blues 2000 Hootie! 2001 Earliest Bird 2003 Goin’ to Kansas City 2005 Solos & Duets 2006 Hootie’s Blues

Literatur

• Jay McShann, Jazz Pianist, Bandleader and Vocalist, Dies. In: New York Times, 9. Dezember 2006

Webllenken

• Offiziell Jay McShann Websteed
• Vörlaag:DNB-Portal