Jan Tops

Vun Wikipedia

Johannes („Jan“) Augustinus Petrus Tops (* 5. April 1961 in Valkenswaard) is en ehmalger nedderlannsch Springrieder un Peerhännler.

Karriere[ännern | Bornkood ännern]

För sien Land hett Tops mehr as 50 Natschonenpries bestreden un an Europa- un Weltmeesterschapen deelnommen as ok an Olympisch Spelen.[1]

Jan Tops gellt as en vun de mächtigst Lüüd in' internatschonalen Peerhannel. 2006 hett he de Global Champions Tour in't Leven roopen, deren Groot Pries vun de eenzelt Statschonen mit jeweils mindst 285.000 Euro doteert sünd.

De hüüdig Weltklasserieder Rolf-Göran Bengtsson un Steve Guerdat hebbt to'n Anfang vun hör Loopbahn bi Tops reeden. Aktuell is Daniel Deußer as Berieder in Valkenswaard anstellt.

Olympisch Spelen[ännern | Bornkood ännern]

1988, 1992, 1996 un 2000 is Tops in veer upnanner folgen Olympisch Spelen för sien Heimatland an den Start gahn. 1992 wunn he mit Top Gun gemeensam mit Jos Lansink, Piet Raijmakers un Bert Romp Team-Gold bi de Olympisch Spelen in Barcelona. Mit Emile Hendrix anstatt Bert Romp harr dat Team all Gold bi de Europameesterschapen 1991 wunnen.

In de Eenzelwertung vun de Olympisch Spelen keem he 1988 mit Doreen up den söbenten Platz, 1992 mit Top Gun up Platz 5 un 1996 nochmals mit Top Gun weer up den söbenten Platz. 2000 nehm he mit Roofs letztmals an Olympisch Spelen deel.[1]

Privatleven[ännern | Bornkood ännern]

Mit de kanaadsch Springriederin Tani Zeidler hett he en 1997 boren Dochter.[2] Af 2002 weer he mit de austraalsch Springriedering Edwina Alexander tosommen, heiraadt hebbt se an' 24. September 2011.[3]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. a b FEI-Kurzbiografie: Jan Tops
  2. www.zeidlerfarm.ca: Informatschonen över de gemeensam Dochter vun Tani Zeidler un Jan Tops
  3. Jan Tops und Edwin Alexander haben sich getraut, St. Georg, 27. September 2011