Horst-Dieter Höttges
Horst-Dieter Höttges (* 10. September 1943 in Mönchengladbach; † 22. Juni 2023) war en düütsch Footballspeler.
Loopbahn
[ännern | Bornkood ännern]Vereens
[ännern | Bornkood ännern]Över sien Vereens in de Jöögd Blau-Weiß Dahl un Rheydter SV keem he 1960 to Borussia Mönchengladbach. Nah en Johr in de Regionalliga West (Saison 1963/64) bi Borussia Mönchengladbach hett Höttges van 1964 bit 1978 för Werder Bremen 420 Spiele in de Football-Bundsliga maakt [1]. He hett in jeder Speeltiet för Werder mindst een Door schaaten. All tosommen hett he 55 Bundsliga-Doren schaaten, dorvan 39 dör Elfmeter un 5 Freestöötdoren as ok 13 Doren in‘ DFB-Pokal, dorvan 9 dör Elfmeter. He is de Feldspeler mit de meest Bundsligaspelen för Werder Bremen, överdrapen wurrd he blots vun den Doorhöder Dieter Burdenski.
1965 schaff de 1,76 m groot Höttges mit Werder Bremen de düütsch Meesterschap. 1966 keem he mit Bremen up den 4. Platz un 1968 wurr he Viezmeester. Dreemal hett he mit Bremen dat Halffinale in den DFB-Pokal (1972, 1973 un 1978) reckt. In de 1970er Johren wurr Höttges in‘ Vereen överweegend as Vörstopper, denn as Libero insett. Tüschen 1968 un 1978 speel Bremen blots in’t Middelfeld oder in de ünnere Regionen vun de Bundsliga. Groot Erfolge bleeven trotz Millioneninvestitschonen ut. De flapsige Spröök: „Solange ich spiele, steigt Werder nicht ab!“, mit de Höttges immer weer ziteert wurr, sull sück aber as wohr dorstellen.
In dat Johr 1978 hett Horst-Dieter Höttges, de as Aktiver den Ökelnaam „Iesenfoot“ harr, sien Loopbahn as Bundsligaspeler afslooten. Nah een Johr as Amateur bi SC Oberbecksen kehr he nochmal to de Gröön-Witten torüch: In de Saison 1979/80 speel he för de Werder Bremen Amateure in de dormalige Amateurböverliga Nord. De Versöök, hüm as Libero för de afwehrswaak Bundsligamannschap to reaktiveeren, leet sück ut formalen Grünnen aber nich dörführen. Tatsächlich steeg de Profimannschap in de tweet Saison nah Höttges för een Johr ut de Bundsliga af. In sien offiziellen Afscheedsspeel stunnen sück in‘ Dezember 1979 vör 15.000 Tokiekers de SV Werder un en Bundsligautwahl (2:3) tegenöver. De Utwahl wurr vun Helmut Schön betrüet un harr mit Kevin Keegan, Paul Breitner, Jürgen Grabowski, Bernd Hölzenbein, Berti Vogts un Sigfried Held langjohrig Wegbegleiter vun Höttges in hör Riegen. Ünner de Schiedsrichterleitung vun Walter Eschweiler hett de „Iesenfoot“ in de 37. Spielminüüt en Foulelfmeter verwannelt.[2]
Höttges speel noch mehrere Johren in de Uwe-Seeler-Traditionself. He is immer noch eng mit den SV Werder Bremen verbunnen un faken Gast bi de Heimspelen in dat Weserstadion. He is Betreuer vun de U15-Mannschap vun den SV Werder.[3]
Natschonalmannschap
[ännern | Bornkood ännern]Höttges geev sien Debüt an‘ 27. November 1963 in de U-23 Natschonalmannschap, de in Liverpool mit 1:4 gegen de Utwahlmannschap ut England verlor. Dornah hett he noch twee wiedere Lännerspelen in disse Mannschap maakt.[4] Ok in de B-Natschonalmannschap hett he twee Spelen maakt, 1965 in Köln un 1974 in Kiel. Beid Lännerspelen wurrn wunnen.[5]
In de A-Natschonalmannschap keem he as flink, tweekampstark un insatzfreudig, allerdings technisch inschränkt Butenverteidiger up 66 Insätze tüschen 1965 un 1974 un hett dorbi een Door schaaten (bi dat 12:0 gegen Zypern an‘ 21. Mai 1969).[6]
Höttges nehm an dree Weltmeesterschapen deel un wurr mit de Natschonalmannschap bi de WM 1966 in England Viez-Weltmeester, bi de WM 1970 in Mexiko Dart, bi de WM 1974 in Düütschland denn Weltmeester, nahdem he all 1972 Europameester wurrn weer.
Titel un Erfolge
[ännern | Bornkood ännern]- Weltmeester 1974
- Viez-Weltmeester 1966
- Europameester 1972
- Düütsch Meester 1965
- Sülvern Lorbeerblatt
Weblenken
[ännern | Bornkood ännern]- Horst Dieter Höttges bi fußballdaten.de
- Horst-Dieter Höttges up kicker-online
- Höttges in de Katalog vun de Deutsche Nationalbücherei
- Personennaamdatei
Enkeld Nahwiesen
[ännern | Bornkood ännern]- ↑ Matthias Arnold: [ http://rsssf.com/players/hoettgesdata.html] Horst-Dieter Höttges – Matches and Goals in Bundesliga van‘ 15. Juli 2011, afropen an‘ 20. Juli 2011, Rec.Sport.Soccer Statistics Foundation}}
- ↑ Kicker Sportmagazin. Nr. 99. 6. Dezember 1979. S. 11.
- ↑ Die Mitarbeiter des WERDER-Leistungszentrums (Afropen an‘ 29. April 2012)
- ↑ Kicker Almanach 1987 – S. 136 – ISBN 3-7679-0245-1.
- ↑ Kicker Almanach 1987 – S. 104 – ISBN 3-7679-0245-1.
- ↑ Matthias Arnold: [1] Horst-Dieter Höttges – International Appearances van’ 12. Dezember 2004, afropen an‘ 20. Juli 2011, Rec.Sport.Soccer Statistics Foundation}}