Bernd Hölzenbein

Vun Wikipedia
Wesseln na: Navigatschoon, Söök

Bernd Hölzenbein (* 9. März 1946 in Dehrn) is en ehmalger düütsch Footballspeler.

Nah sien Realschoolafsluss hett he eerstmal Koopmann lehrt, is denn aber Footballspeler wurrn. Holz hett in Düütschland in de Bundsliga blots för de Vereen Eintracht Frankfurt speelt, för de he in de Tiet van 1967 bit 1981 in 420 Spelen 160 Doren schaten hett. De gröttsten Erfolge weern dorbi de 3 Pokalwinnen in de Johren 1974, 1975 un 1981.

Nah 1981 is he nah de USA gahn un hett eerst bi de Ft.Lauderdale Strikers speelt un nahst in Hallenrunden för Memphis Americans un Baltimore Blasts. 1985 hett he denn noch mal för den FSV Salmrohr speelt, de mit hüm denn ok de Upstieg in de twete Bundsliga schafft hebbt.

Vun 1988 bit 1994 weer he denn Viezpräsident vun Eintracht Frankfurt un denn bit 1996 Manager för de Vereen. Denn weer he en Tiet lang nicht mehr aktiv, is aber siet 2004 sportlich Berader.

Van 1973 bit 1978 hett Hölzenbein 40 Mal in de düütsche Natschonalmannschap speelt un 5 Doren schaten. Mit de Natschonalmannschap is he 1974 ok Weltmeester wurrn. He hett domols den Elfmeter ruthoolt, as he de Ball in Straafruum speelt hett, de wohrschienlich nich mehr kregen harr, aber en vun de nedderlandsch Speler Wim Jansen van de Been holt wurr. Dat wurrd immer noch weer geern behaupt, dat sien Fallen domols en Swalker west is, aber Hölzenbein seggt, dat weer nich so.