Holzmanno Winterstein

Vun Wikipedia

Holzmanno Winterstein (* 1952 in Molsheim/Elsass) is en düütschen Gitarrnspeler un maakt Taternmusik. He höört sülms to de Volksgrupp vun de Tatern mit to. Lange Tied hett he mit siene Ollern un Bröder un Süstern in Mainz leevt. Vun sien Vadder Prinzo Winterstein hett he Gitarr spelen lehrt. 1969 al hett he mit 17 Johren in Schnuckenack Reinhardt sien Quintett mit speelt. Dree Johr later, dat weer in'n September 1972, hett he tohopen mit sien Broder Ziroli Winterstein in dat „Häns’che Weiss-Quintett“ mitmaakt. Dat weer dormols nee up maakt wurrn. Ziroli weer twee Johre jünger, as he un speel ok Gitarr. Later hett he mitmaakt bi den Hot Club the Zigan vun Schmitto Kling un bi Wawau Adler sien Trio.

Platen (Utwahl)[ännern | Bornkood ännern]

  • Musik Deutscher Zigeuner – Schnuckenack Reinhardt Quintett, Vol. 2 (Da Camera Song, LP, Eerste Uplage November 1969, upnahmen: 10./11. Juni 1969)
  • Musik Deutscher Zigeuner – Schnuckenack Reinhardt Quintett, Vol. 3 (Da Camera Song, LP, Eerste Uplage September 1970, upnahmen: 13./14. Mai 1970; Live-Upnahmen ut Heidelbarg,D un Ludwigsborg, D)
  • Musik Deutscher Zigeuner – Schnuckenack Reinhardt Quintett, Vol. 4 (Da Camera Song, LP, Eerste Uplage April 1972, upnahmen: 29./30. November 1971)
  • Musik Deutscher Zigeuner – Häns’che Weiss Quintett, Vol. 5 (Da Camera Song, LP, Eerste Uplage März 1973, upnahmen: 26./27./28. September 1972)
  • Musik Deutscher Zigeuner – Häns’che Weiss Quintett, Vol. 6 (Da Camera Song, LP, Eerste Uplage Mai 1974, upnahmen: 29./30./31. Oktober 1973)
  • Häns’che Weiss Quintett: Dja Maro Drom (Electrola, LP, Eerste Uplage September 1974, upnahmen: 1.–5. Juli 1974)