Hoisdörp

Vun Wikipedia
Wesseln na: Navigatschoon, Söök

Hoisdörp (hoochdüütsch: Hoisdorf) is en Gemeend müt twee Oortsdeelen, Hoisdörp un Mötendörp. Hüüttodags höört de Gemeend to dat Amt Siek (Kreis Stormarn) in Sleswig-Holsteen.

Hoisdörp is in de Mitt vun dat 13. Johrhunnert as en Rohdungsdörp grünnt worn. Dat eerste Dokument wo de Naam Hoisdörp to finnen is, is vun 1279. In dat Johr 1339 hett dat Hamborger Domkapitel dat Dörp köfft. Na de Reformatschoon weer Hertog Adolf vun Sleswig-Holsteen-Gottörp de niege Herr (1576) un Hoisdörp weer to een Deel vun dat Amt Trittau maakt.

Na de Annexion vun Sleswig-Holsteen dör Preußen harrn se Hoisdörp in den niegen Kreis Stormarn ingleedert. In dat Johr 1889 weer’t to den Amtsbezirk Lüttensee toordnet.

Hüüt is Hoisdörp en moderne Wahnort müt en lebennige Vereensleven un en fein Dörpmuseum (dat „Stormarnsche Dörpmuseum“).