Highland Games

Vun Wikipedia
Deelnehmers vun en schottschen Clan an de Highland Games in Oban. Vör den Inmarsch op de Wettkampsteed warrt en Ümtog dör de Stadt maakt.

De Highland Games sünd en traditschonelle Veranstalten mit sportlich Wettkämp, de ut Schottland stammt. Fröher weern disse Spelen en Deel vun de Drapens (Gatherings) vun de schottschen Clans in de schottschen Highlands. Dor sünd de Highland Games ok vundaag noch tohuus, man in de Twüschentiet finnt een de Spelen ok överall dor, woneem sik Schooten daallaten hebbt, as to’n Bispeel in de USA.

Dat gifft jeed Johr bit to Hunnert Highland Games in Schottland, de in de Scottish Games Association (SGA) organiseert sünd. De bekannsten vun disse Spelen finnt jeed Johr Anfang September in Braemar statt. Traditschonell staht se ünner de Schirmherrschop vun Königin Elisabeth II., de tomeist ok sülvst dor is.

To de Highland Games höört ok de traditschonelle Musik dorto, sünners dat Dudelsackspeel, aver ok Danz. Dorin warrt ok Wettkämp utdragen. Dat gifft de Spelen de Egenschoppen vun en Volksfest för de hele Sellschop, wat jeed Johr hunnertdusende Tokiekers un Touristen antütt.

Jemehr Wörtel hebbt de Highland Games in de Tiet vun de keltischen Königen in Schottland. Se weern afhollen, üm de gausten un starksten Mannslüüd vun Schottland to finnen, de denn faken för den König as Baden oder as Liefwachter in Deenst nahmen weern.

Wettkämp[ännern | Bornkood ännern]

Bi de Highland-Games vun de SGA warrt wettkämp in teihn Disziplingruppen utdragen :

  • Running
  • Cycling
  • Heavyweights
  • Tug-o-War
  • Wrestling
  • Light Field Events
  • Hill Race
  • Solo Piping
  • Pipe Band Contest
  • Highland Dancing

De beropensten Disziplinen höört to de Grupp Heavyweights. Dat sünd ü.a. „Tossing the Caber“ (Boomstammsmieten|Boomstammöverslag), „Putting the Stone“ (Steenstöten), „Throwing the Hammer“ oder „Scottish Hammer“ (Hamerworp). All tohopen gifft dat mehr as dörtig verscheden Sportoorten

Wettkämp buten dat schottsche Kulturrebeet[ännern | Bornkood ännern]

Highland Games finnt ok in Düütschland, Öösterriek un de Swiez statt, dor mit lizenseerte schottsche Kamprichters. Bit 2002 hett dat gröttste dorvun – mit 5.000 Deelnehmers jeed Johr – in Berlin in de „Zitadelle Spandau“ stattfunnen. Opstunns warrt de gröttsten Spelen vun disse Oort in Xanten (2006), Paane, Halle (2005) un annere organiseert. De offizielle düütsche Meesterschop vun de Mannschoppen un Enkeltkämpers (Heavys) finnt jeed Johr in Kempen an’n Nedderrhien statt.

Highland Games gifft dat aver ok in annere europääsche Länner, as in Öösterriek, in Noorditalien oder in Sweden.

Weblinks[ännern | Bornkood ännern]