Helmut Barwig

Vun Wikipedia

Helmut Barwig (* 18. März 1930 in Neustädterwald/Danzig; † 17. März 2023[1]) weer en düütschen Politiker von de SPD.

Barwig is 1930 in Neustädterwald boren un weer dor ok op Volksschool. Later weer he op de staatliche Opboschool in Neuteich. 1948 hett Barwig en Lehr as Waterbowarker bi dat Water- und Schippereeamt in Klippkann in Braak maakt. 1954 hett he sien Meester as Waterbowarker maakt. He hett bi dat Waterweertschopsamt in Stood as Technischen Anstellten arbeidt.

Von 1950 af an weer Barwig in de Gewerkschaft Öffentliche Dienste, Transport und Verkehr (vondaag Ver.di). In de SPD is he 1960 ringahn un 1970 Kreisvörsitter worrn. 1961 is Barwig in’n Gemeenraad von de Gemeen Drochters wählt worrn un weer von 1968 bet 1972 Börgermeester von de Gemeen Aßel. Nadem Aßel 1972 Deel von Drochters worrn is, weer Barwig von 1976 bet 1996 Börgermeester von de Gemeen Drochters. 1964 is he Afornten in’n Kreisdag von’n Landkreis Stood worrn und von 1972 bet 1976 denn Landraad.

In de 8. bet 10. Wahlperiood (von’n 21. Juni 1974 bet to’n 20. Juni 1986) weer Barwig as Afornten in’n Neddersassischen Landdag.

Enkeld Nahwiesen[ännern | Bornkood ännern]

  1. Helmut Barwig : Traueranzeige. In: Stader Tageblatt. Zeitungsverlag Krause, 21. März 2023, afropen an’n 10. April 2023.