Heinz Mügge
Heinz Mügge (* Juni 1939 in Stood) is en plattdüütschen Spraakaktivist.
He hett as Baas för dat Marketing bi de Kreisspoorkass Stood arbeidt un is in’n August 2000 in Rohstand gahn.
Mügge is Vörsitter von’n Vereen De Plattdüütschen un hett den Vereen 2002 ok mit grünnt.
He is von September 1964 bet November 2016 för de Wählergemeenschop Maat von’n Gemeenraad von Düünbeudel ween un 1991 op de List von de Fre’e Wählergemeenschop Börgermeester von Düünbeudel worrn, wat he bet November 2016 bleven is. Mügge hett von’n 1. Juli 1972 bet to’n 31. Dezember 2013 för de CDU in’n Raad von de Samtgemeen Himmelpoorten seten un is dor Viez-Samtgemeenbörgermeester ween un hett ok för de CDU in’n Kreisdag von’n Landkreis Stood seten.
An’n 28. September 2014 hett he de Goldmedallje von’n Neddersassischen Städer- un Gemeenbund kregen[1] un an’n 31. Januar 2017 dat Verdeenstkrüüz an’t Band von’n Verdeenstorden von de Bundsrepublik Düütschland.[2] Tosätzlich is he ok Ehrenbörgermeester von Düünbeudel.
Mügge leevt in Düünbeudel un is verheiraadt mit Magda Mügge, de beiden hebbt veer Kinner.
Kiek ook bi
[ännern | Bornkood ännern]Footnoten
[ännern | Bornkood ännern]- ↑ http://www.tageblatt.de/lokales/oldendorf-himmelpforten_artikel,-Dicker-Beifall-fuer-verdienten-Dickkopf-_arid,1076850.html
- ↑ Jutta Eidtmann: Heinz Mügge erhält Verdienstkreuz in Düdenbüttel, Stader Tageblatt an’n 31. Januar 2017
Weblenken
[ännern | Bornkood ännern]- Heinz Mügge in de Datenbank Die niederdeutsche Literatur (hoogdüütsch)