Gerhard Reichhardt

Vun Wikipedia

Gerhard Reichhardt (* 27. Dezember 1925 in Gotha; † 18. April 1969 in Stood) weer en düütschen Politiker von de SPD.

Reichhardt is 1925 in Gotha boren. Na de School weer he von 1943 bet 1945 Soldat in’n Tweten Weltkrieg. An’t Enn von’n Krieg keem he in US-amerikaansche Fungenschop, ut de he 1946 wedder free keem. He hett 1946/1947 en Lehr as Bäcker maakt un weer 1947/1948 bi de Berufspädagogische Ausbildungsstätte in Gotha. 1948/1949 hett he as Schoolmeester an de Beroopsschool arbeidt. 1950 is he ut de DDR wegtagen in de BRD. He hett dor von 1950 bet 1955 as Gewarflehrer arbeidt. Denn weer he Geschäftsföhrer bi de IG Chemie, Papier, Keramik.

Reichhardt is 1946 in de LDPD ringahn un 1948 Viezvörsitter von de LDPD in Vacha worrn. He hett 1949/1950 as Kreissekretär för de Partei arbeidt. Nadem he in de BRD gahn is, is he 1950 in de SPD ringahn. 1964 is he as Vörsitter von’n SPD-Ünnerbezirk Stood-Bremervöör wählt worrn.

Reichhardt is 1956 Maat von’n Kreisdag in’n Landkreis Stood worrn un 1961 Senater von de Stadt Stood. An’n 5. Oktober 1964 is he Liddmaat von’n Düütschen Bundsdag worrn, nadem de Afornte Uwe-Jens Nissen sien Mandat dalleggt harr. In’n Bundsdag is he aver blots bet to dat Enn von de Wahlperiood an’n 19. Oktober 1965 bleven.

Reichhardt is 1963 Viez-Landraad von’n Landkreis Stood worrn un weer von 1968 bet to sien Dood 1969 Börgermeester von de Stadt Stood.