François Faber

Vun Wikipedia
François Faber (1911)

François Faber (* 26. Januar 1887 in Aulnay-sur-Iton, Frankriek; † 9. Mai 1915 bi Carency, Frankriek) weer en luxemborgsch Radrennfohrer. He hett de Tour de France in dat Johr 1909 vör Gustave Garrigou un Jean Alavoine wunnen un weer dormit de eerste Nich-Franzoos, de dat schafft hett. Faber hett insgesamt 19 Deelstrecken bi de Tour wunnen. 1908 un 1910 weer he jewiels Tweet bi dit Radrennen. Mit etwa 90 Kilogramm weer he de bitlang swoorste Sieger van de Tour de France.

Faber weer aber ok in Eendagsrennen düchtig spoodriek. 1909 wunn he de Lombardei-Rundfohrt (vör Luigi Ganna), 1913 weer he de Eerst bi Paris–Roubaix. Wiedere Siege reck he bi Paris–Tours (1909, 1910), Paris-Brüssel (1909) un Bordeaux–Paris (1911).

Faber is in dat Öller van blots 28 Johren in’n Eersten Weltkrieg as Suldat van dat 2. Marsch-Regiment van de Fremdenlegion fallen.

Weblinks[ännern | Bornkood ännern]