Europääsch Büro för minner bruukt Spraken

Vun Wikipedia

Dat Europääsche Büro för minner bruukt Spraken weer een nichstaatliche Organisatschoon, de sik för Minnerheiten- un Regionalspraken in Europa insetten dee, wat na dat Büro 46 Millionen Minschen in Europa bedrepen deit. De Präsidentin weer de Irin Neasa Ní Chinnéide. Sien Sitt harr dat Büro in Dublin in Irland. En Informatschoonszentrum vun dat Büro weer in Brüssel.

Grünnt worrn is dat Büro 1982. Dat Geld keem to’n groten Deel vun de Europääsche Union. Dat Büro dee mit dat Contact Bulletin ok een Tietschrift rutgeven un harr mit Eurolang ene lütte Narichtenagentur, de sik speziell mit de Minnerheitenspraken in Europa befaten deit. An'n 27. Januaarmaand 2010 hett de Verwaltensraad de Oplösen beslaten, wiel de Finanzeren vun solk een Organisatschoon nich passlich is för de Ümstänn opstunns. Welke Utwarken düsse Besloot op de Dochterorganisatschonen hett, de to'n Deel egen juristsche Personen sünd, is noch unklaar.

Vörsitter vun den düütschen EBLUL-Aflegger is de Saterfrees Karl-Peter Schramm, de Oostfreesche Cornelia Nath sitt ook in den Vörstand. De in Düütschland bedrapenen Spraken sünd dat Däänsche, dat Noord- un Saterfreesche, dat Böversorbsche, dat Neddersorbsche, dat Romanes un dat Nedderdüütsche. Vörsitter vun den däänschen Aflegger is de düütsche Noordsleswiger Gösta Toft. Düütsch is de enzige bedrapene Spraak in Däänmark.

Präsidenten[ännern | Bornkood ännern]

Weblenken[ännern | Bornkood ännern]